ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ସାନ ଗୋପାଳପୁର କଲ୍ୟାଣ ମଣ୍ଡପ ପରିସରରେ ସିପିଏମ ଆଞ୍ଚଳିକ କମିଟି ସମ୍ମିଳନୀ ରବିବାର ଦିନ ଅନୁଷ୍ଠିତ ହୋଇଯାଇଛି । ଡି . ପଦ୍ମ ଚରଣ ପ୍ରଧାନ ଓ ପୁଷ୍ପାଞ୍ଜଳି ଜେନାଙ୍କୁ ନେଇ ସଭାପତି ମଣ୍ଡଳୀ ଗଠିତ ହୋଇଥିଲା । ରାମଚନ୍ଦ୍ର ନାୟକ, ଦିଲ୍ଲୀପ ଛୋଟରାୟ, ପି. ହରିକୃଷ୍ଣ ରେଡିଙ୍କୁ ନେଇ ପରିଚାଳନା କମିଟି ଗଠିତ ହୋଇଥିଲା । ସଭା ପୂର୍ବରୁ ବରିଷ୍ଟ ନେତା ରାମଚନ୍ଦ୍ର ନାୟକ ଦଳୀୟ ପତାକାକୁ ଉତ୍ତୋଳନ କରିଥିଲେ । ପରେ ସମସ୍ତ ପ୍ରତିନିଧି ସହିଦ ବେଦୀରେ ପୁଷ୍ପାଞ୍ଜଳି ଅର୍ପଣ କରିଥିଲେ l ଏହି ସମ୍ମିଳନୀକୁ ବୟୋଜ୍ୟେଷ୍ଟ ନେତା କୈଳାସ ଷଢଙ୍ଗୀ ଉଦଘାଟନ କରିଥିଲେ । ଏଥିରେ ଜିଲା ସମ୍ପାଦକ ଯୁଧିଷ୍ଠିର ବେହେରା ଦଳୀୟ ସଂଗଠନ କିଭଳି ସୁଦୃଢ ହୋଇପାରିବ ଓ ସାଧାରଣ ଜନତାଙ୍କ ସମସ୍ୟାକୁ ସମାଧାନ ପାଇଁ ଦଳୀୟ ନେତୃବୃନ୍ଦ ଚେଷ୍ଟା କରିବା ନେଇ ଆଲୋଚନା କରିଥିଲେ । ସମ୍ମିଳନୀରେ ୧୦୨ ଜଣ ଦଳୀୟ କର୍ମୀ ଉପସ୍ଥିତ ଥିଲେ ।
Popular Categories
Previous article
Next article