ସମାଜ ଡିଜିଟାଲ ଡେସ୍କ: ଉତ୍ତରପ୍ରଦେଶର ବହରାଇଚରେ ଆତଙ୍କ ଖେଳାଇଥିବା ମଣିଷଖିଆ ଗଧିଆ ଶେଷରେ ଧରାପଡ଼ିଛି। ଲୋକେ ଗଧିଆକୁ ଧରିବା ପରେ ପିଟି ପିଟି ମାରିଦେଇଛନ୍ତି। ମହସୀ ଅଞ୍ଚଳର ତମାଚପୁର ଗାଁରେ ଗଧିଆଟି ଏକ ଶିଶୁକୁ ଶିକାର କରିବାକୁ ଉଦ୍ୟମ କରିବା ସମୟରେ ଗ୍ରାମବାସୀ ତାହାକୁ ପିଟି ହତ୍ୟା କରିଥିଲେ। ଏହି ଗଧିଆକୁ ମିଶାଇ ବର୍ତ୍ତମାନ ସୁଦ୍ଧା ଲୋକେ ୬ଟି ଗଧିଆକୁ ମାରିସାରିଛନ୍ତି।
ସୂଚନା ଅନୁସାରେ, ବହରାଇଚ ଅଞ୍ଚଳରେ ମଣିଷଖିଆ ଗଧିଆଙ୍କ ଉତ୍ପାତ ବଢ଼ି ଚାଲିଥିବାବେଲେ ଏହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଗଧିଆମାନେ ୯ ଜଣଙ୍କୁ ଶିକାର କରିବା ପରେ ଲୋକେ ଦିନରେ ବି ଘରୁ ବାହାରିବାକୁ ଭୟ କରୁଥିଲେ। ଶେଷରେ ବିଭିନ୍ନ ଗ୍ରାମବାସୀ ମିଳିତ ହୋଇ ଗଧିଆଙ୍କୁ ଟାର୍ଗେଟ କରିଥିଲେ। ଗୋଟିଏ ପରେ ଗୋଟିଏ ୬ଟି ଗଧିଆଙ୍କୁ ଲୋକେ ମାରି ସାରିଛନ୍ତି। କୁହାଯାଉଛି ଯେ ଏହି ୬ଟି ଗଧିଆ ହିଁ ମଣିଷଙ୍କୁ ଶିକାର କରୁଥିଲେ। ମଣିଷଖିଆ ଗଧିଆ ଗୋଷ୍ଠୀର ଶେଷ ଗଧିଆକୁ ଶନିବାର ରାତିରେ ଲୋକେ ମାରିଦେଇଛନ୍ତି।
Comments are closed.