ସମାଜ ଡିଜିଟାଲ ଡେସ୍କ: କଟକର ଏକ ଘରୋଇ ନର୍ସିଂହୋମରେ ଚିକିତ୍ସିତ ଜଣେ ରୋଗୀଙ୍କ ସଂପର୍କୀୟଙ୍କଠାରୁ ୫ ହଜାର ଟଙ୍କା ନେଇ ୬ ୟୁନିଟ ଭୁଲ ପ୍ଲାଟେଲେଟ୍ ଯୋଗାଇଥିବା ଅଭିଯୋଗରେ ଜଣେ ଦଲାଲକୁ ପୁଲିସ ଗିରଫ କରିଛି। ଗିରଫ ଅଭିଯୁକ୍ତ ଅଜୟ ନାୟକ ଘର ବାଲେଶ୍ବର ସୋର ଅଞ୍ଚଳରେ ଓ ସେ କଟକ ବିଡ଼ାନାସୀରେ ରହୁଥିଲା ବୋଲି ଜଣାପଡ଼ିଛି। ରୋଗୀଙ୍କ ସଂପର୍କୀୟ କେନ୍ଦ୍ରୀୟ ରେଡକ୍ରସ ରକ୍ତ ଭଣ୍ଡାର ନିକଟରେ ପ୍ଲାଟେଲେଟ୍ ନେଇ ପଚରାଉଚରା କରୁଥିବାବେଳେ ଏହି ଦଲାଲଙ୍କ ହାବୁଡ଼ରେ ପଡ଼ିଥିଲେ। ସେ ଟଙ୍କା ନେଇ ଏବି-ନେଗେଟିଭ୍ ଦବଳରେ ୬ ୟୁନିଟ୍ ପଜିଟିଭ୍ ପ୍ଲାଟେଲେଟ୍ ଦେଇଥିଲେ। ପରେ ରୋଗୀଙ୍କ ସଂପର୍କୀୟ ଏ ନେଇ ପଚାରିବାରୁ ପ୍ୟାକେଟ ଉପର ଲେଖାକୁ କଟାକଟି କରି ନେଗେଟିଭ୍ ଲେଖିଦେଇ ରୋଗୀଙ୍କ ସଂପର୍କୀୟଙ୍କୁ ଦେଇଥିଲେ। ଅଭିପୋଗ ପାଇବା ପରେ ପୁଲିସ ଅନୁସନ୍ଧାନ କରି ଅଭିଯୁକ୍ତ ଦଲାଲକୁ ଗିରଫ କରିବା ସହ ୬ ୟୁନିଟ ପ୍ଲାଟେଲେଟ୍ ଓ ୬ଟି ବ୍ୟାଗ୍ ଜବତ କରିଛି।
Comments are closed.