ନୂଆଦିଲ୍ଲୀ : ବୋର୍ଡ ପରୀକ୍ଷାରେ ଭଲ ନମ୍ବର ଆଣିବା ପାଇଁ ମାତା-ପିତାମାନେ ପିଲାମାନଙ୍କୁ ଅନେକ ପ୍ରକାର ପ୍ରତିଶ୍ରୁତି ଦିଅନ୍ତି । ଅନେକ ଜିନିଷର ଲୋଭ ଦେଖାଇ ପିଲାମାନଙ୍କୁ ଉତ୍ସାହିତ କରିଥାନ୍ତି । ନିକଟରେ ଜଣେ ପିତା ନିଜ ପୁଅକୁ ଆଇଫୋନ୍ ୧୬ ଉପହାର ଦେଇଛନ୍ତି । ପୁଅ ବୋର୍ଡ ପରୀକ୍ଷାରେ ଭଲ ନମ୍ବର ରଖିବା ପରେ ଉପହାର କିଣିନେବାର ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।
Father’s Priceless Gift: Junk Dealer Gifts Multiple Iphones Worth ₹ 1.80 Lacs to Son For Top Board Results pic.twitter.com/brrSI04qxf
— Ghar Ke Kalesh (@gharkekalesh) September 27, 2024
ସାମାଜିକ ଗଣମାଧ୍ୟମରେ ଭିଡିଓଟି ଭାଇରାଲ ହେବାରେ ଲାଗିଛି । ପିତାଙ୍କ ହାତରେ ଆଇଫୋନ୍ ଦେଖିବାକୁ ମିଳୁଛି । ବ୍ୟକ୍ତି ଜଣକ ଜଣେ କବାଡିଆ ଭାବେ କାମ କରନ୍ତି । ତାଙ୍କ ପୁଅ ବୋର୍ଡ ପରୀକ୍ଷାରେ ଭଲ ନମ୍ବର ରଖିବା ପରେ ସେ ତାର ଏହି ଦାବି ପୂରଣ କରିଛନ୍ତି । ସେ ପୁଅକୁ ଏକ ଦେଢଲକ୍ଷ ଟଙ୍କାର ଫୋନ୍ ଉପହାର ଦେବା ସହିତ ନିଜ ପାଇଁ ଏକ ୮୫ ହଜାର ଟଙ୍କାର ଆଇଫୋନ୍ କିଣିଛନ୍ତି ।
ସେ ନିଜ ଖୁସି ବ୍ୟକ୍ତି କରି ଭିଡିଓରେ କିଛି କହୁଛନ୍ତି କିନ୍ତୁ ଭାଷା ବୁଝିହେଉନି । କିନ୍ତୁ ତାଙ୍କ ଖୁସି ଜଣାପଡୁଛି । ସାମାଜିକ ଗଣମାଧ୍ୟମରେ ଏହି ଭିଡିଓଟି ଏବେ ଭାଇରାଲ ହେବାରେ ଲାଗିଛି। ସମସ୍ତେ ଏହାକୁ ଲାଇକ୍ କରିବା ସହ ସେୟାର କରୁଛନ୍ତି ।
