ଲକ୍ଷ୍ନୌ : ଉତ୍ତରପ୍ରଦେଶର ଇଟାବାରୁ ଭାରତୀୟ ଜନତା ପାର୍ଟି (ବିଜେପି)ର ବିଧାୟିକା ସରିତା ଭଦୁରିଆ ସୋମବାର ରେଳ ଧାରଣାକୁ ଖସି ପଡିଥିଲେ । ସେଠାରେ ଉପସ୍ଥିତ ଥିବା ଲୋକେ ସଠିକ୍ ସମୟ ଓ ଉପସ୍ଥିତ ବୁଦ୍ଧି ଯୋଗୁଁ ଟ୍ରେନକୁ ଅଟକାଇଥିଲେ । ଯାଦ୍ୱାରା ତାଙ୍କର ଜୀବନ ବଞ୍ଚି ଯାଇଥିଲା ।
Etawah, UP: The flag-off ceremony for the Agra-Varanasi Vande Bharat Express faced chaos due to heavy rush, and BJP's Etawah Sadar MLA, Sarita Bhadoria, fell in front of the train pic.twitter.com/p10CfbDIF0
— IANS (@ians_india) September 16, 2024
ସୂଚନାନୁଯାୟୀ, ଆଗ୍ରା-ବାରାଣସୀ ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇବା ସମୟରେ ହିଁ ହଠାତ୍ ରେଳ ଧାରଣାକୁ ଖସି ପଡିଥିଲେ । ଟ୍ରେନଟି ସୋମବାର ସନ୍ଧ୍ୟା ପ୍ରାୟ ୬ଟାରେ ପ୍ଲାର୍ଟଫର୍ମରେ ପହଞ୍ଚିବା ପରେ ହିଁ ଏଭଳି ଘଟଣା ଘଟିଥିଲା । ସେହି ସମୟରେ ପ୍ଲାର୍ଟଫର୍ମରେ ଲୋକଙ୍କ ଭିଡ ଜମି ଥିଲା ।
ସୋସିଆଲ ମିଡିଆରେ ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି । ୬୧ ବର୍ଷୀୟ ବିଜେପି ବିଧାୟିକା ସରିତା ଭଦୁରିଆ ସବୁଜ ପତାକା ଧରି ଅନେକ ଲୋକଙ୍କ ସହ ପ୍ଲାର୍ଟଫର୍ମରେ ଠିଆ ହୋଇଥିଲେ । ଲୋକେ ପାଇଲଟ୍ ଟ୍ରେନ୍ ଚଲାଇବା ପାଇଁ ହର୍ଣ୍ଣ ବଜାଇବା ମାତ୍ରେ ବିଧାୟିକା ସରିତା ସବୁଜ ପତାକା ଦେଖାଇ ଆଗକୁ ଯାଇଥିଲେ । ସେହି ସମୟରେ ଭିଡ କାରଣରୁ ପ୍ଲାର୍ଟଫର୍ମରୁୁ ତଳକୁ ଧାରଣାରେ ଟ୍ରେନ୍ ଆଗକୁ ଖସି ପଡିଥିଲେ । ସେଠାରେ ଉପସ୍ଥିତ ଥିବା ନେତା ଓ ଅନ୍ୟ ଲୋକେ ତୁରନ୍ତ ଲୋକେ ପାଇଲଟଙ୍କୁ ଜଣାଇବା ସହ ଟ୍ରେନକୁ ଅଟକାଇ ଥିଲେ । ଫଳରେ ବଡ ଅଘଟଣ ଟଳି ଯାଇଥିଲା । ମାତ୍ର ଆହତ ଅବସ୍ଥାରେ ତାଙ୍କୁ ତୁରନ୍ତ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରିଥିଲେ ।
୩୦ ବର୍ଷ ପରେ ; ଏହି ରାଜଯୋଗ ପାଇଁ ୫ ରାଶିଙ୍କ ଉପରେ ହେବ ଧନବର୍ଷା, ଖୋଲିବ ଭାଗ୍ୟର ଦ୍ୱାର, ହେବେ ଭାଗ୍ୟଶାଳୀ..
