ସମାଜ ଡିଜିଟାଲ ଡେସ୍କ: ଆଜିକାଲି ପାଦରେ କଳା ସୂତା ବାନ୍ଧିବାର ଟ୍ରେଣ୍ଡ ବହୁତ ବଢିଯାଇଛି। ଆପଣ ଅନେକ ମହିଳା, ଯୁବକ ଓ ଯୁବତୀଙ୍କୁ ପାଦ କିମ୍ବା ହାତରେ ପତଳା କଳା ସୂତା ବାନ୍ଧିଥିବା ଦେଖିଥିବେ। ତେବେ କିଛି ଲୋକ ଏହାକୁ ଅଜାଣତରେ ଫ୍ୟାସନ ଭାବେ ବାନ୍ଧିବାରେ ଲାଗିଛନ୍ତି। କିନ୍ତୁ ଆପଣ ଜାଣନ୍ତି କି ପାଦରେ କଳା ସୂତା ବାନ୍ଧିବା ଠିକ୍ କି ନାହିଁ। ହିନ୍ଦୁ ରୀତି ଅନୁସାରେ ଶରୀରର କେଉଁ ଅଙ୍ଗରେ କଳା ସୂତା ବାନ୍ଧିଲେ ତାହା ଆପଣଙ୍କ ପାଇଁ ଶୁଭ ହେବ ଚାଲନ୍ତୁ ଜାଣିବା . . .
ଜ୍ୟୋତିଷ ଶାସ୍ତ୍ର ଅନୁସାରେ ପାଦରେ କଳା ସୂତା ବାନ୍ଧିବା ଆଦୌ ଠିକ୍ ନୁହେଁ। ଅନେକ ଲୋକ ପାଦରେ କଳା ସୂତା ବାନ୍ଧୁଛନ୍ତି କିନ୍ତୁ ଏପରି କରିବାଠାରୁ ଦୂରେଇ ରୁହନ୍ତୁ। ହିନ୍ଦୁ ଧର୍ମରେ କଳା ସୂତାକୁ ରକ୍ଷା ସୂତ୍ର ବୋଲି ବିବେଚନା କରାଯାଏ। ଐଭଳି କ୍ଷେତ୍ରରେ କଳା ସୂତାକୁ ପାଦରେ ବାନ୍ଧିବା ଅଶୁଭ ହୋଇଥାଏ। ଏହାଦ୍ୱାରା ନକାରାତ୍ମକ ଶକ୍ତି କମିବା ପରିବର୍ତ୍ତେ ବୃଦ୍ଧି ପାଇଥାଏ। ଗୋଡରେ କଳା ସୂତା ବାନ୍ଧିଲେ ଶନିଙ୍କ ଖରାପ ପ୍ରଭାବ ପଡ଼ିଥାଏ। ଏହାସହିତ ବେକରେ କଳା ସୂତା ଖାଲି ବାନ୍ଧନ୍ତୁ ନାହିଁ, ଯେକୌଣସି ପ୍ରକାର ରୂପାର କିମ୍ବା ରତ୍ନପଥର ଲକେଟ୍ ପକାଇ ପିନ୍ଧନ୍ତୁ।
ଜ୍ୟୋତିଷଙ୍କ ମତରେ ପାଦ ବଦଳରେ ଅଣ୍ଟାରେ କଳା ସୂତା ବାନ୍ଧିବା ଅତ୍ୟନ୍ତ ଶୁଭଦାୟକ। ଭଗବାନ ଶ୍ରୀକୃଷ୍ଣ ମଧ୍ୟ ଅଣ୍ଟାରେ କଳା ସୂତା ପିନ୍ଧୁଥିଲେ ବୋଲି କୁହାଯାଏ। ଅଣ୍ଟାରେ କଳା ସୂତା ବାନ୍ଧିବା ଦ୍ୱାରା ସ୍ୱାସ୍ଥ୍ୟ ଭଲ ରହିବା ସହ ରୋଗ ହେବାର ଆଶଙ୍କା କମ୍ ରହିଥାଏ। ମେରୁଦଣ୍ଡ ମଧ୍ୟ ମଜବୁତ ହେବ। ଯେଉଁମାନଙ୍କର ଶନି ଗ୍ରହ। ତେବେ ବେକରେ ଯଦି କଳା ସୂତା ପିନ୍ଧିବାକୁ ଚାହୁଁଛନ୍ତି ତେବେ ପ୍ରଥମେ ଏହାକୁ ଖନିଦେବଙ୍କ ମୂର୍ତ୍ତିରେ ସ୍ପର୍ଶ କରି ଆଣନ୍ତୁ। ହନୁମାନଙ୍କ ପ୍ରତ୍ତିମୂର୍ତ୍ତରେ ମଧ୍ୟରେ ଅନୁରୂପ ଭାବେ କରିପାରିବେ।
ମହିଳାମାନେ ବାମ ହାତରେ ଓ ପୁରୁଷମାନେ ଡାହାଣ ହାତରେ କଳା ସୂତା ବାନ୍ଧିବା ଉଚିତ୍। କଳା ସୂତା ବାନ୍ଧିବା ଦ୍ୱାରା ଖରାପ ଦୃଷ୍ଟିରୁ ରକ୍ଷା ପାଇଥାନ୍ତି। ଏହାସହିତ ନକାରାତ୍ମକ ଶକ୍ତିଠାରୁରକ୍ଷା ପାଇବେ। କଳା ସୂତା ପିନ୍ଧିବା ଦ୍ୱାରା ମନସ୍କାମନା ପୂରଣ ହୋଇଥାଏ।
କଳା ସୂତା ବାନ୍ଧିବାର ନିୟମ, ଶରୀରର କେଉଁ ଅଙ୍ଗରେ ବାନ୍ଧିବେ ଜାଣନ୍ତୁ
Popular Categories
Previous article
Next article