ସମାଜ ଡିଜିଟାଲ ଡେସ୍କ: ମୋବାଇଲ ନିର୍ମାତା ଆମେରିକୀୟ କମ୍ପାନୀ ଆପଲକୁ ଶକ୍ତ ଝଟକା ଲାଗିଛି। ଆୟର୍ଲାଣ୍ଡ ସରକାର ଏବଂ ଆପଲ ମଧ୍ୟରେ ଟିକସକୁ ନେଇ ଦୀର୍ଘ ଦିନ ଧରି ଲାଗି ରହିଥିବା ବିବାଦ ସମ୍ପର୍କିତ ମାମଲାରେ ୟୁରୋପୀୟ ନ୍ୟାୟିକ ଅଦାଲତ(ଇସିଜେ) ଆୟର୍ଲାଣ୍ଡ ସରକାରଙ୍କ ସପକ୍ଷରେ ରାୟ ଶୁଣାଇଛନ୍ତି। ଆପଲ କମ୍ପାନୀକୁ ପିଛିଲା ଟିକସ ବାବଦରେ ଆୟର୍ଲାଣ୍ଡକୁ ପ୍ରାୟ ୧ ଲକ୍ଷ ୨୦ ହଜାର କୋଟି ଟଙ୍କା ଦେବାକୁ ଅଦାଲତ ନିର୍ଦେଶ ଦେଇଛନ୍ତି। ଏହି ରାୟ ପ୍ରକାଶ ପାଇବା ପରେ ସରକାର ତାହାକୁ ସ୍ଵାଗତ କରିଛନ୍ତି।
୨୦୧୬ରେ ୟୁରୋପୀୟ ଆୟୋଗ ଏହି ବିବାଦରେ ନିଜର ନିଷ୍ପତ୍ତି ଶୁଣାଇ ଆପଲ କମ୍ପାନୀ ୨୦ ବର୍ଷ ଧରି ଆୟର୍ଲାଣ୍ଡ ସରକାରଙ୍କଠାରୁ ବେଆଇନ ଉପାୟରେ ଟିକସ ବଞ୍ଚାଇ ଲାଭାନ୍ବିତ ହୋଇଥିବା କହିଥିଲେ। ୨୦୨୦ରେ ସାଧାରଣ ଅଦାଲତ ୟୁରୋପୀୟ ଆୟୋଗଙ୍କ ଏହି ନିଷ୍ପତ୍ତିକୁ ରଦ୍ଦ କରିଦେଇଥିଲେ। ମାମଲା ୟୁରୋପୀୟ ନ୍ୟାୟିକ ଅଦାଲତକୁ ଯିବା ପରେ ଏହାର ସାନି ଶୁଣାଣି ହୋଇଥିଲା, ଯେଉଁଥିରେ କୋର୍ଟ ଆପଲକୁ ବକେୟା ଟିକସ ପ୍ରଦାନ କରିବାକୁ ନିର୍ଦେଶ ଦେଇଛନ୍ତି।
Comments are closed.