ପାଟଣା : ତୁରୁମୁଙ୍ଗା ପୁଲିସ ପକ୍ଷରୁ ଆଜି ଚୋରା ମଦ ପ୍ରସ୍ତୁତକାରୀଙ୍କ ଭୂସ୍ବର୍ଗ ପାଲଟିଥିବା ଏହି ଥାନା ଅଞ୍ଚଳର ହୀରାପଶି ଗ୍ରାମ ଅଞ୍ଚଳରେ ବଡ଼ ଧରଣର ଅବକାରୀ ଚଢ଼ାଉ କରାଯାଇଛି। ଥାନାଧିକାରୀ ଧର୍ମେନ୍ଦ୍ର ଶାନ୍ତିଙ୍କ ନେତୃତ୍ୱରେ ଥାନାର ଅନ୍ୟ ଅଧିକାରୀ ଓ କର୍ମଚାରୀଙ୍କ ସହ ୨ ପ୍ଲାଟୁନ ସଶସ୍ତ୍ର ପୁଲିସ ଏହି ଅଭିଯାନରେ ସାମିଲ ଥିଲେ। ପୁଲିସ ଏଠାରେ ୩ ଟି ଚୋରା ମଦ ଭାଟି ଭାଙ୍ଗିବା ସହ ପାଖାପାଖି ୩ ହଜାର କେଜି ମହୁଲ ପୋଚ ଜବତ କରି ନଷ୍ଟ କରିଛି। ଏହାଛଡା ୬୫ ଲିଟର ରନ୍ଧା ମହୁଲି ମଦ ମଧ୍ୟ ଜବତ କରାଯାଇଛି। ସମସ୍ତ ମଦ ରନ୍ଧା ସରଞ୍ଜାମ ପୁଲିସ ଜବତ କରି ଥାନାକୁ ଆଣିଛି । ପୁଲିସକୁ ଦେଖି ମଦ ପ୍ରସ୍ତୁତକାରୀମାନେ ଛତ୍ର ଭଙ୍ଗ ଦେଇଥିବାବେଳେ ଏନେଇ ଥାନାରେ ୨୫୩/୨୦୨୪,୨୫୪/୨୦୨୪,୨୫୫/୨୦୨୪ ରେ ଓଡିଶା ଅବକାରୀ ଆଇନରେ ମାମଲା ରୁଜୁ କରାଯାଇଥିବା ଥାନାଧିକାରୀ ଶ୍ରୀ ଶାନ୍ତିଙ୍କ ଠାରୁ ସୂଚନା ମିଳିଛି ।
Comments are closed.