ଭୁବନେଶ୍ୱର: ବିର୍ଲା ଗ୍ଲୋବାଲ ୟୁନିଭରସିଟି (ବିଜିୟୁ), ଭୁବନେଶ୍ୱର ପକ୍ଷରୁ ବି.ଏ ଜେଏମ୍ସି ୨୦୨୪-୨୮ ଓ ଏମ.୍ଏ ଜେଏମ୍ସି ୨୦୨୪-୨୬ ବ୍ୟାଚ୍ର ନବାଗତ ଛାତ୍ରଛାତ୍ରୀଙ୍କୁ ଏହାର ଗୋଠପାଟଣା ପରିସରରେ ସ୍ୱାଗତ କରାଯାଇଛି । ଓଡିଶା ମେରାମଣ୍ଡଳୀର କଳିଙ୍ଗ ନଗରସ୍ଥିତ ଟାଟା ଷ୍ଟିଲର କର୍ପୋରେଟ୍ କମ୍ୟୁନିକେସନ ମୁଖ୍ୟ ଶୁଭ୍ରାଂଶୁ ପଣ୍ଡା ସମ୍ମାନିତ ଅତିଥି ରୁପେ ଏଥିରେ ଯୋଗ ଦେଇ କର୍ପୋରେଟ୍ କମ୍ୟୁନିକେସନ କ୍ଷେତ୍ରରେ ଥିବା ତାଙ୍କ ବ୍ୟାପକ ଅଭିଜ୍ଞତାକୁ ସମସ୍ତଙ୍କ ସହ ବାଣ୍ଟିଥିବା ସହ କୈାଣସି ସଂସ୍ଥାର ଖ୍ୟାତି ଓ ପ୍ରତିଷ୍ଠା ପାଇଁ ଲୋକ ସଂପର୍କର ପ୍ରାଥମିକତା ଉପରେ ଆଲୋକପାତ କରିଥିଲେ । ଏମ୍ବିସି ଟିଭିର ଡଃ ଅଶୋକ କୁମାର ପଣ୍ଡା ତଥା ବିଜିୟୁ ପ୍ରଫେସର ଛାତ୍ରଛାତ୍ରୀଙ୍କୁ ପ୍ରେରଣା ଓ ମାର୍ଗଦର୍ଶନ ପ୍ରଦାନ କରି ସେମାନଙ୍କ ସହ ନିଜ ନିଜର ଅଭିଜ୍ଞତା ବାଣ୍ଟିଥିଲେ । ବିଜିୟୁ କୁଳପତି ପ୍ରଫେସର ପି.ପି ମାଥୁର ସାମ୍ବାଦିକତା ଓ ଡିଜିଟାଲ ମିଡିଆ ପାଠ୍ୟକ୍ରମ ଉପରେ ଗୁରୁତ୍ୱ ଦେବାପାଇଁ କହିବା ସହ ଅଭିଭାବକମାନେ ଶିକ୍ଷାନୁଷ୍ଠାନ ଉପରେ ଆସ୍ଥା ରଖିଥିବାରୁ ସେମାନଙ୍କୁ କୃତଜ୍ଞତା ଜଣାଇଥିଲେ । ବିଜିୟୁ ରେଜିଷ୍ଟ୍ରାର ପ୍ରଫେସର ଡଃ ବି.କେ ଦାସ ଭବିଷ୍ୟତରେ ଛାତ୍ରଛାତ୍ରୀମାନଙ୍କ ପାଇଁ ସାମ୍ବାଦିକତା ଓ ଗଣ ଯୋଗାଯୋଗ କ୍ଷେତ୍ରରେ ଥିବା ସୁବିଧା ସୁଯୋଗ ଉପରେ ଆଲୋଚନା କରିଥିଲେ । ବିର୍ଲା ସ୍କୁଲ ଅଫ୍ କମ୍ୟୁନି୍େକସନ୍ର ଆସୋସିଏଟ୍ ଡିନ୍ ଶିବ ଶଙ୍କର ଦାସ ସ୍ୱାଗତ ଭାଷଣ ଦେଇ ବି.ଏ ଜେଏମ୍ସି ଓ ଏମ୍.ଏ ଜେଏମ୍ସି ପାଠ୍ୟକ୍ରମର ଗୁରୁତ୍ୱ ଉପରେ ଆଲୋକପାତ କରିଥିଲେ । ୟୁନିଭର୍ସିଟିର କୂଳଗୀତ ପରିବେଷଣ କରାଯାଇ ଏହି କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ବିର୍ଲା ସ୍କୁଲ ଅଫ୍ କମ୍ୟୁନି୍େକସନ୍ରର ଆଷିଷ୍ଟାଣ୍ଟ ପ୍ରଫେସର ଜ୍ଞାନ ରଞ୍ଜନ ମିଶ୍ର ଧନ୍ୟବାଦ ଅର୍ପଣ କରିଥିଲେ । ଏଥିରେ ବିଜିୟୁର ବିଭିନ୍ନ ବିଭାଗର ଡିନ୍ , ଫାକଲ୍ଟି ସଦସ୍ୟ, ଅଭିଭାବକ ଏବଂ ବିଏ ଜେଏମ୍ସି ଓ ଏମ୍ଏ ଜେଏମ୍ସି ପାଠ୍ୟକ୍ରମରେ ନୂତନ ଭାବେ ନାମ ଲେଖାଇଥିବା ଛାତ୍ରଛାତ୍ରୀ ମାନେ ଯୋଗ ଦେଇଥିଲେ ।
