ରିଲିଜ୍ ହେଲା ‘ଏକ ଲଡ଼କି କୋ ଦେଖା ତୋ ଏସା ଲଗା’ର ଟାଇଟେଲ୍ ଟ୍ରାକ୍
ମୁମ୍ବଇ : ଅନୀଲ କପୁର, ସୋନମ କପୁର ଓ ରାଜକୁମାର ରାଓ ଅଭିନୀତ ଚଳଚ୍ଚିତ୍ର ‘ଏକ ଲଡ଼କି କୋ ଦେଖା ତୋ ଏସା ଲଗା’ର ଟାଇଟେଲ୍ ଟ୍ରାକ୍ ମଙ୍ଗଳବାର ରିଲିଜ୍ ହୋଇଛି। ଏଥିରେ ସୋନମ୍ ଓ ରାଜକୁମାରଙ୍କ ବିଶେଷ ବନ୍ଧନ ଦେଖିବାକୁ ମିଳିଛି। ଏହି ଗୀତରେ ଭାବପ୍ରବଣତାର ଛୁଆଁ ଭରି ରହିଛି। ଗୀତଟି ସାରେଗାମା ମ୍ୟୁଜିକ୍ ର ୟୁଟ୍ୟୁବରେ ରିଲିଜ୍ ହୋଇଛି। ଏହି ଗୀତର ସମୟ ଅବଧି ପ୍ରାୟ ୨.୨୧ସେକେଣ୍ଡର ରହିଛି। ଗୁରପ୍ରୀତ ସୌନୀ ଏହି ଟାଇଟଲ ଟ୍ରାକ୍ ରଚନା କରିଛନ୍ତି ଓ ଦର୍ଶନ ରାଭଲ ଓ ରୋଚକ କୋହଲୀ ଏଥିରେ କଣ୍ଠଦାନ କରିଛନ୍ତି। ଏହି ଚଳଚ୍ଚିତ୍ରର ପ୍ରଥମ ଝଲକ ଅନୀଲ କପୁରଙ୍କ ଜନ୍ମଦିନ ଅବସରରେ ଜାରି କରାଯାଇଥିଲା। ଶୈଲୀ ଚୋପ୍ରାଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ୧ ଫେବୃଆରୀ ମୁକ୍ତିଲାଭ କରିବ।