ନୀଳଗିରି: ନୀଳଗିରି ଏନ୍ଏସି ଅଧ୍ୟକ୍ଷା ଅମ୍ବିକା ଦାସ ଦାୟିତ୍ୱ ନେବାର ୨ବର୍ଷ ଅତିବାହିତ ହୋଇଥିଲେ ମଧ୍ୟ ସେ ନିଜ ଦାୟିତ୍ୱରେ ଅବହେଳା କରିବା ସହ ୱାର୍ଡ଼ ପ୍ରତି ପକ୍ଷପାତିତା କରୁଥିବା ନେଇ ୧୧ଜଣ କାଉନସିଲର ଅଭିଯୋଗ କରିଥିଲେ । ଏପରିକି ଅଧ୍ୟକ୍ଷାଙ୍କ ବିରୋଧରେ ବାଲେଶ୍ୱର ଜିଲାପାଳଙ୍କଠାରେ ଅନାସ୍ଥା ପ୍ରସ୍ତାବ ମଧ୍ୟ ଦେଇଥିଲେ । ଆସନ୍ତା ୧୪ତାରିଖରେ ନୀଳଗିରି ଏନ୍ଏସି ସଭାଗୃହରେ ଭୋଟିଂ କରାଯିବା ନେଇ ସ୍ଥାନୀୟ ଉପଜିଲାପାଳ ମନ୍ଦରଧର ମହାଳିକ ସମସ୍ତ କାଉନସିଲର ଏବଂ ଅଧ୍ୟକ୍ଷାଙ୍କୁ ନୋଟିସ ଜାରି କରିଥିଲେ । ଏହି ଅନାସ୍ଥାକୁ କେନ୍ଦ୍ରକରି ନୀଳଗିରି ରାଜନୀତି ହଟଚମଟ ହୋଇ ଉଠିଥିବା ବେଳେ ଅଧ୍ୟକ୍ଷା ଶ୍ରୀମତୀ ଦାସ ଏହା ଭିତରେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।
ଆଜି ଡବ୍ଲ୍ୟୁପିସି ନଂ ୧୯୬୬୯/୨୪ ଉପରେ ମାନ୍ୟବର ହାଇକୋର୍ଟ ଉକ୍ତ ପ୍ରସଙ୍ଗକୁ ବିଚାର କରି ଆସନ୍ତା ୩୦ତାରିଖ ପର୍ଯ୍ୟନ୍ତ ଭୋଟିଂ ନକରିବାକୁ ସ୍ଥଗିତ ନିର୍ଦ୍ଦେଶ ଦେଇଛନ୍ତି । ଏ ସମ୍ପର୍କରେ ହାଇକୋର୍ଟରୁ ନଗର ଉନ୍ନୟନ ବିଭାଗ ଆୟୁକ୍ତ, ବାଲେଶ୍ୱର ଜିଲାପାଳ ଏବଂ ନୀଳଗିରି ଉପଜିଲାପାଳଙ୍କୁ ନିର୍ଦ୍ଦେଶ ପତ୍ର ଆସିବା ପରେ ପ୍ରଶାସନ ତରଫରୁ ଭୋଟିଂକୁ ବନ୍ଦ ରଖାଯାଇଛି । ପରବର୍ତ୍ତି ଶୁଣାଣି ପରେ ଯାହା ପଦକ୍ଷେପ ନିଆଯିବ ବୋଲି ସ୍ଥାନୀୟ ଉପଜିଲାପାଳ ମନ୍ଦରଧର ମହାଳିକ କହିଛନ୍ତି ।
Comments are closed.