ଭୁବନେଶ୍ୱର: ଆସନ୍ତା ୩ଦିନ ପର୍ଯ୍ୟନ୍ତ ବିଜୁଳି ଘଡଘଡି ସହ କେତେକ ସ୍ଥାନରେ କାଁ ଭାଁ ବର୍ଷା ହୋଇପାରେ । କିନ୍ତୁ ୧୪ ତାରିଖ ବେଳକୁ ବର୍ଷାର ପରିମାଣ ବଢିବା ସମ୍ଭାବନା ରହିଛି ବୋଲି ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି। ଶନିବାର ସକାଳ ସାଢେ ୮ଟାରୁ ସନ୍ଧ୍ୟା ସାଢେ ୫ଟା ମଧ୍ୟରେ ନୟାଗଡରେ ୨୫.୬ମି.ମି ବର୍ଷା ରେକର୍ଡ କରାଯାଇ ଥିବାବେଳେ ମାଲକାନଗିରି ୧୩.୪, ସୁବର୍ଣ୍ଣପୁର ୧୨, ବାରିପଦା ୮.୪, ବଲାଙ୍ଗିର ୮ ଏବଂ ଢେଙ୍କାନାଳରେ ୭.୬ମି.ମି ବର୍ଷା ହୋଇଛି। ଗତ ୨୪ଘଣ୍ଟା ମଧ୍ୟରେ ଝାରସୁଗୁଡା, ମୟୂରଭଞ୍ଜ, ସମ୍ବଲପୁର, କେନ୍ଦ୍ରାପଡା, ସୁନ୍ଦରଗଡ, ଜଗତସିଂହପୁର, ନୟାଗଡ, ଯାଜପୁର ଏବଂ କଟକ ଜିଲାର କିଛି ଅଞ୍ଚଳରେ ବର୍ଷା ହୋଇଛି। ଜୁନ୍ ୧ରୁ ଅଗଷ୍ଟ ୧୦ ସୁଦ୍ଧା ରାଜ୍ୟରେ ସ୍ବାଭାବିକ ବର୍ଷା ୬୭୭ ମି.ମି ହେବାକୁ ଥିବାବେଳେ ୬୨୬.୨ମି.ମି ବର୍ଷା ହୋଇଛି, ଯାହାକି ୭ ପ୍ରତିଶତ ନିଅଣ୍ଟିଆ। ସୁନ୍ଦରଗଡ, ଝାରସୁଗୁଡା, କେନ୍ଦୁଝର, ମୟୂରଭଞ୍ଜ, ବାଲେଶ୍ବର, ଯାଜପୁର, ଭଦ୍ରକ, ପୁରୀ ଏବଂ କେନ୍ଦ୍ରାପଡା ଜିଲାରେ ନିଅଣ୍ଟିଆ ବର୍ଷା ହୋଇଛି। ଉପରୋକ୍ତ ଜିଲାଗୁଡିକରେ ସ୍ବାଭାବିକ ବର୍ଷାରୁ ୨୦ରୁ ୫୯ପ୍ରତିଶତ ମଧ୍ୟରେ ନିଅଣ୍ଟିଆ ବର୍ଷା ଥିବା ଜଣାପଡ଼ିଛି।
Popular Categories
Previous article
Next article