ବଣାଇ: ବଣାଇ ବନାଞ୍ଚଳର ଧରଣୀଧର ବିଟ ଅନ୍ତର୍ଗତ ଗୋବିନ୍ଦପୁର ଗ୍ରାମର ମଗରମୁଣ୍ଡା ସାହିରେ ଗତକାଲି ରାତିରେ ଏକ ଗୋଠ ଛଡା ଦନ୍ତା ହାତୀ ଘର ଭାଙ୍ଗିବା ସହିତ ଘରେ ରଖା ଯାଇଥିବା ଚାଉଳ ଓ ଧାନ ଖାଇଥିବା ଜଣାପଡିଛି। ଗ୍ରାମବାସୀ ମାନେ ବର୍ଷା ରାତିରେ ନିଜର ଓ ପିଲା ଛୁଆ ମାନଙ୍କ ଜୀବନ ରକ୍ଷା କରିବା ପାଇଁ ଏଣେ ତେଣେ ଦୌଡ଼ୁଥିବା ବେଳେ ଲୋକମାନଙ୍କ ହୋ ହାଲ୍ଲାକୁ ଖାତିର ନକରି ଉତ୍ପାତ ଚଳାଇଥିଲା। ଗ୍ରାମବାସୀ ବର୍ଷା ରାତିରେ ଦନ୍ତାର ଗ୍ରାମରେ ଉପସ୍ଥିତି ନେଇ ବାନପାଳ, ବନରକ୍ଷୀ ଓ ବନାଞ୍ଚଳ ଅଧିକାରୀଙ୍କୁ ଯୋଗାଯୋଗ କରିଥିଲେ ହେଁ କେହି ହେଲେ ଆସି ନଥିଲେ। ଦନ୍ତାଟି ପ୍ରାୟ ଏକ ଘଣ୍ଟା ଉତ୍ପାତ କରିବା ପରେ ଭୋର ହେବା କ୍ଷଣି ଧରଣୀଧର ପାଲି ସଂରକ୍ଷିତ ଜଙ୍ଗଲକୁ ଚାଲି ଯାଇଥିଲା। ଦନ୍ତାର ଘର ଭାଙ୍ଗିବା ଘଟଣାରେ ଗ୍ରାମରେ ଉତ୍ତେଜନା ପ୍ରକାଶ ପାଇଥିଲା। ଏଥିରେ ସାହିର ଶ୍ରୀରାମ କିସାନ, ବୁଟିଆ କିସାନ, ପୂର୍ଣ୍ଣ କିସାନ, ବ୍ରଜ କିସାନ, ଦୁଃଖନ୍ କିସାନ ଓ ଗୁରୁ କିସାନଙ୍କ ଘର ଭାଙ୍ଗିଛି। ତୁରନ୍ତ ଏହାର ତଦନ୍ତ କରାଯାଇ ଦନ୍ତା ଭାଙ୍ଗିଥିବା ଘର ଗୁଡ଼ିକୁ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ମାନେ ଦାବି କରିଛନ୍ତି।
Popular Categories
Previous article
Next article