ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ପୁଲିସ ଏକ ବୋଲେରୋ ପିକ୍ଅପ୍ ଭ୍ୟାନରେ ଯାଉଥିବା ୧୩ କେଜି ଗଞ୍ଜେଇକୁ ଜବତ କରିଛି। ଏଥିସହ ଏହି ଘଟଣାରେ ଜଣେ ଗଞ୍ଜେଇ ଚାଲାଣକାରୀକୁ ଗିରଫ କରିବାରେ ସଫଳ ହୋଇଛି। ଗିରଫ ଗଞ୍ଜେଇ ମାଫିଆ ଜଣକ ନୟାଗଡ଼ ଜିଲା ନୂଆଗାଁ ଥାନା ଅଚୁପଡା ଗାଁର ଶ୍ୟାମସୁନ୍ଦର ବେହେରା ବୋଲି ଜଣାପଡ଼ିଛି। ଶ୍ୟାମ ସୁନ୍ଦର ରିତିମତ ଭାବରେ ନୟାଗଡ଼ ଅଞ୍ଚଳରୁ କାଠ ତିଆରି ସାମଗ୍ରୀ ବିକ୍ରି କରିବା ବାହାନାରେ ଆସି କନ୍ଧମାଳ ଅଞ୍ଚଳରୁ ନୟାଗଡ଼ ଅଞ୍ଚଳକୁ ଗଞ୍ଜେଇ ଚାଲାଣ କରୁଥିବା ପୂଲିସର ପ୍ରାଥମିକ ତଦନ୍ତରୁ ଜଣାପଡିଛି। ପୁଲିସର ସୂଚନା ଅନୁସାରେ, ଶନିବାର ଦିନ ପ୍ରାୟ ୨ଟା ସମୟରେ ଫିରିଙ୍ଗିଆ ପୁଲିସର ଏକ ଟିମ୍ ପାଟ୍ରୋଲିଂ କରୁଥିବା ସମୟରେ ଫିରିଙ୍ଗିଆ ଫୁଲବାଣୀ ମୁଖ୍ୟ ରାସ୍ତାର ଡିଣ୍ଡିରାଗାଁ ନିକଟରେ ଗାଡିଟିକୁ ଧରିବାରେ ସଫଳ ହୋଇଥିଲେ। ଅନ୍ୟପଟେ ରବିବାର ଏହି ଘଟଣାରେ ଫିରିଙ୍ଗିଆ ପୁଲିସ ୧୫୬/୨୪ରେ ଏକ ମାମଲା ରୁଜୁ କରି ଜବତ ଗଞ୍ଜେଇ ଓ ଗାଡି ସହ ଗଞ୍ଜେଇ ମାଫିଆକୁ କୋର୍ଟ ଚାଲାଣ କରିଥିବା ଥାନାରେ କାର୍ଯ୍ୟରତ ଅତିରିକ୍ତ ଥାନା ଅଧିକାରୀ ଅଜୟ କୁମାର ସାହୁ ସୂଚନା ଦେଇଛନ୍ତି।
Popular Categories
Previous article
Next article