ଚନ୍ଦ୍ରରେ କେତେ ପରିମାଣର ଜଳ ଗଚ୍ଛିତ ରହିଛି ସେ ସମ୍ପର୍କରେ ଅନୁଧ୍ୟାନ କରିବାକୁ ଅଣ୍ଟା ଭିଡିଛନ୍ତି ଆମେରିକା ଓ ଚୀନ। ଚନ୍ଦ୍ରର ଉଭୟ ମେରୁରେ ବିପୁଳ ପରିମାଣର ଜଳ ବରଫ ଅବସ୍ଥାରେ ରହିଥିବା ବେଳେ ପ୍ରକୃତରେ କେତେ ପରିମାଣ ଜଳ ରହିଛି ସେ ସମ୍ପର୍କରେ ସ୍ପଷ୍ଟ ଚିତ୍ର ହାସଲ କରିବାକୁ ଆମେରିକା ଓ ଚୀନ୍ ଖୁବ୍ଶୀଘ୍ର ସ୍ବତନ୍ତ୍ର ଅନୁଧ୍ୟାନ ଆରମ୍ଭ କରିବାକୁ ଯାଉଛନ୍ତି। ନାସାର ଭାଇପର ମିଶନ ଏ କ୍ଷେତ୍ରରେ ବେଶ୍ ଗୁରୁତ୍ବପୂର୍ଣ୍ଣ ହେବ ବୋଲି ଆଶା ରହିଛି।
ନାସାର ଲୁନାର ଆଇସ୍କ୍ୟୁବ, ଲୁନାର ଫ୍ଲାସଲାଇଟ୍ ଓ ଲୁନାର ଏଚ୍-ମ୍ୟାପ୍ ଅଭିଯାନ ମଧ୍ୟ ଚନ୍ଦ୍ରରେ ଜଳର ପରିମାଣ ସମ୍ପର୍କରେ ତଥ୍ୟ ପ୍ରଦାନ କରିବ ବୋଲି ଜଣାପଡ଼ିଛି। ସେହିପରି ଚୀନ୍ର ଚାଙ୍ଗ’ଇ-୭ ମିଶନ ଚନ୍ଦ୍ରର ଦକ୍ଷିଣ ମେରୁରେ ଥିବା ଜଳର ପରିମାଣ ସମ୍ପର୍କରେ ଅନୁଧ୍ୟାନ କରିବ। ଲୁନାର ମାଇକ୍ରୋୱେବ ଇମେଜିଂ ରାଡାର, ଲୁନାର ନ୍ୟୁଟ୍ରନ ଗାମା ସ୍ପେେକ୍ଟ୍ରାମିଟର, ଲୁନାର ୱାଟର ମଲିକ୍ୟୁଲାର ଆନାଲାଇଜର୍ ମାଧ୍ୟମରେ ଏହି କାର୍ଯ୍ୟ ସମ୍ପାଦନ ପାଇଁ ଯୋଜନା ରଖାଯାଇଛି।
Comments are closed.