ଧାମରା: ଧାମରା ମତ୍ସ୍ୟପୋତଶ୍ରୟ ସଭା ଗୃହ ଠାରେ ୧୩ତମ ମତ୍ସ୍ୟ ଶାସନ ପରିଚାଳନା ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ଭଦ୍ରକ ଉପ ଜିଲାପାଳ ମନୋଜ ପାତ୍ରଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ଆଗାମୀ ଦିନରେ କିପରି ଆହୁରୀ ଲୋକାଭିମୁଖି କାର୍ଯ୍ୟକ୍ରମ କରିବା ସହ ମତ୍ସ୍ୟଜିବୀ ମାନଙ୍କୁ ସୁପରିଚାଳନା କରାଯିବା ସହ ସେମାନଙ୍କ ଡଙ୍ଗାଗୁଡ଼ିକୁ ଅଧିକ କାର୍ଯ୍ୟକ୍ଷମ କରାଗଲେ ଦେଶରେ ଆର୍ଥିକ ସ୍ଥିତିରେ ସୁଧାର ଆସିବା ସହ ମତ୍ସ୍ୟଜିବୀ ମାନଙ୍କର ଆର୍ଥିକ ଅବସ୍ଥାରେ ସୁଧାର ଆସିବ ସେ ବିଷୟରେ ଆଲୋଚନା ଏବଂ ପର୍ଯ୍ୟାଲୋଚନା ହୋଇଥିଲା ।
ମତ୍ସ୍ୟ ପୋତାଶ୍ରୟ ଅଧିନରେ ଥିବା ମତ୍ସ୍ୟଜିବୀମାନଙ୍କୁ ସରକାରଙ୍କ ଦ୍ୱାରା ଦିଆଯାଉଥିବା ସମସ୍ତ ଯୋଜନାରେ କିପରି ସାମିଲ କରାଯାଇ ପାରିବ ଏବଂ ଏହି ସୁବିଧା ସୁଯୋଗ ସମସ୍ତେ କିଭଳି ପାଇପାରିବେ ସେ ସମ୍ପର୍କରେ ମତ୍ସ୍ୟ ପୋତାଶ୍ରୟର ପରିଚାଳକ ମତ୍ସ୍ୟଜିବୀମାନଙ୍କୁ ଉପଲବଦ୍ଧ କରାଇବେ ବୋଲି ମତ ପ୍ରକାଶ ପାଇଥିଲା।
ଆଜି ହୋଇଥିବା ତ୍ରୟୋଦଶ ପରିଚାଳନା ପରିଷଦ ବୈଠକରେ ତ୍ତମତ୍ସ୍ୟ ବିଭାଗର ଉପ ମତ୍ସ୍ୟ ନିର୍ଦେଶକ, ବାଲେଶ୍ୱର ଏବଂ ଭଦ୍ରକ ଜିଲ୍ଲା ମତ୍ସ୍ୟ ଅଧିକାରୀ, ଅତିରିକ୍ତ ମତ୍ସ୍ୟ ଅଧିକାରୀ (ସାମୁଦ୍ରିକ) , ଧାମରା ମତ୍ସ୍ୟ ପରିଚାଳନା କମିଟିର ପରିଚାଳକ ନଳିନୀ ଦାସ , ମତ୍ସ୍ୟଜିବୀ ସଂଘର ସଭାପତି ଅଶୋକ ଜାନା, ସଂପାଦକ ସୁଦର୍ଶନ ଲେଙ୍କା, ଅଭିମନ୍ୟୁ ରାଉତ, ନିତ୍ୟାନନ୍ଦ ବେହେରା, ଜଗଦୀଶ ଜେନା ପ୍ରମୁଖ ଯୋଗ ଦେଇଥିଲେ ।
