ପାଟଣା : କେନ୍ଦୁଝର ଜିଲା ୪୯ନମ୍ବର ଜାତୀୟ ରାଜପଥ ଝାରବେଲଦା ନିକଟରେ ଟ୍ରକ ଧକ୍କାରେ ଦୁଇ ବାଇକ ଆରୋହୀ ଗୁରୁତର ପରେ ଘଟଣାସ୍ଥଳରେ ଉତ୍ତେଜନା ଦେଖା ଦେଇଛି । କ୍ଷତିପୂରଣ ଦାବିରେ ଉତ୍ୟକ୍ତ ଲୋକେ ଅପରାହ୍ନ ୫ ଟାରୁ ରାଜପଥ ଅବରୋଧ କରିଛନ୍ତି । ଗୁରୁତର ବାଇକ ଆରୋହୀ ହେଲେ ବାରିଆ ଥାନା କଞ୍ଚନଡୁମୁରିଆ ଗ୍ରାମର ଦିନେଶ ନାଏକ ଏବଂ ହିମାଂଶୁ ନାଏକ । ଉଭୟ ବାଇକ ଯୋଗେ କେନ୍ଦୁଝରରୁ ଘରକୁ ଫେରୁଥିବା ସମୟରେ ଏକ ଆଇରନ ବୋଝେଇ ଟ୍ରକ ପଛ ପଟୁ ଧକ୍କା ଦେଇଥିଲା । ଉଭୟଙ୍କୁ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବାବେଳେ ଦିନେଶଙ୍କ ଅବସ୍ଥା ସଙ୍କଟାପନ୍ନ ରହିଛି । ଘଟଣାସ୍ଥଳରେ ସଦର ଥାନା ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଥିଲେ ମଧ୍ୟ ଉତ୍ୟକ୍ତ ଲୋକେ ଜିଦରେ ଅଟଳ ରହିଛନ୍ତି। ରାଜପଥ ଅବରୋଧ ଯୋଗୁଁ ଉଭୟ ପାର୍ଶ୍ୱରେ ଶହ ଶହ ଗାଡି ଅଟକି ରହିଛି।
ସରକାରଙ୍କ ନୂଆ ନିଷ୍ପତ୍ତି, ଏହି ରାଜ୍ୟରେ ଶସ୍ତାରେ ମିଳିବ ହାଇବ୍ରିଡ୍ କାର୍
