ନୂଆଦିଲ୍ଲୀ : ତେଲୁଗୁ ଦେଶମ ପାର୍ଟି(ଟିଡିପି) ସହ ଜଡିତ ଏକ କମ୍ପାନୀର ସେୟାର ଦାମ୍ ଲୋକସଭାରେ ଏନଡିଏକୁ ବହୁମତ ମିଳିବା ପରେ ବଢିବାରେ ଲାଗିଛି । ଟିଡିପିର ଅଧ୍ୟକ୍ଷ ଚନ୍ଦ୍ରବାବୁ ନାଇଡୁଙ୍କ ଏହି କମ୍ପାନୀ ମାସକରେ କମାଲ କରି ଦେଖାଇଛି । ଗତ କିଛି ଦିନରେ ସେୟାରରେ ବୃଦ୍ଧି ଦେଖିବାକୁ ମିଳିଛି ।
୩ ଦିନରେ ଏହି ଷ୍ଟକ୍ ନିବେଶକଙ୍କୁ ୪୩ ପ୍ରତିଶତ ରିଟର୍ଣ୍ଣ ଦେଇଛି । ଗତ ୧୦ ଦିନରେ ଏହାର ସେୟାର ୫୫ ପ୍ରତିଶତରୁ ଅଧିକ ବୃଦ୍ଧି ପାଇଛି । ଏହି ଷ୍ଟକ୍ ହେଉଛି ହେରିଟେଜ ଫୁଡ୍ସ ଲିମିଟେଡ୍ । ୧୯୯୨ ମସିହାରେ ଟିଡିପି ପ୍ରମୁଖ ଚନ୍ଦ୍ରବାବୁ ନାଇଡ୍ ଏହାକୁ ସ୍ଥାପନ କରିଥିଲେ । ଗୁରୁବାର କମ୍ପାନୀର ସେୟାର ଦାମ୍ ବୃଦ୍ଧି ପାଇ ୬୦୧.୬୦ ଟଙ୍କାରେ ପହଞ୍ଚିଛି । ସୋମବାର ଏହା ୨୦ ପ୍ରତିଶତ ବୃଦ୍ଧି ପାଇ ୫୪୬.୯୫ ଟଙ୍କାରେ ପହଞ୍ଚିଥିଲା ।
ହେରିଟେଜ୍ ଫୁଡ୍ସର ସେୟାର ନିବେଶକଙ୍କ ଧ୍ୟାନ ଆକର୍ଷିତ କରୁଛି କାରଣ ଏହା ସ୍ପଷ୍ଟ ହୋଇଯାଇଛି କି ତେଲୁଗୁ ଦେଶମ ପାର୍ଟି(ଟିଡିପି) ନେତା ଚନ୍ଦ୍ରବାବୁ ନାଇଡୁ ଆନ୍ଧ୍ରପ୍ରଦେଶର ନୂଆ ମୁଖ୍ୟମନ୍ତ୍ରୀ ହୋଇପାରନ୍ତି । ନିକଟରେ ସେ ବିଧାନସଭା ନିର୍ବାଚନରେ ବହୁମତ ହାସଲ କରି ବିଜୟୀ ହୋଇଛନ୍ତି ।
Comments are closed.