ନୂଆଦିଲ୍ଲୀ : ଦେଶରେ ମାରୁତି ସୁଜୁକି ଏବଂ ହ୍ୟୁଣ୍ଡାଇ କାର୍ ପରେ ଟାଟା ମୋଟର୍ସର ସବୁଠାରୁ ଅଧିକ ଗାଡି ବିକ୍ରି ହୁଏ । ଟାଟା ଗ୍ରୁପର ଅଟୋ କମ୍ପାନୀ ଟାଟା ମୋଟର୍ସର କାରକୁ ସୁରକ୍ଷା ଏବଂ ଫିଚର୍ସ ଯୋଗୁଁ ବହୁତ ପସନ୍ଦ କରାଯାଏ । ନିକଟରେ ଇଲେକ୍ଟ୍ରିକ୍ ଗାଡି ପ୍ରତି ଲୋକଙ୍କ ବଢୁଥିବା ଚାହିଦା ଦେଖି ଟାଟା ମୋଟର୍ସ ନିଜ ଇଭି ପୋର୍ଟଫୋଲିଓରେ ମଧ୍ୟ ସୁଧାର କରିଛି ଏବଂ ୪ ପେଟ୍ରୋଲ କାରର ଇଲେକ୍ଟ୍ରିକ୍ ଭେରିଏଣ୍ଟ ମଧ୍ୟ ବଜାରକୁ ଆଣିଛି । ଏବେ ଆହୁରି ଅଧିକ ବିକ୍ରି ବଢିବା ନେଇ କମ୍ପାନୀ ଆଶା ରଖିଛି । ଆଗାମୀ କିଛି ବର୍ଷରେ ବାର୍ଷିକ ୫୦ ଲକ୍ଷ ଗାଡି ବିକ୍ରି କରିବା ନେଇ ଯୋଜନା ରଖିଥିବା କମ୍ପାନୀ ସୂଚନା ଦେଇଛି ।
ଟାଟା ଗ୍ରୁପର ଅଧ୍ୟକ୍ଷ ଏନ.ଚନ୍ଦ୍ରଶେଖରନ୍ କହିଛନ୍ତି କି ଘରୋଇ ଯାତ୍ରୀବାହୀ ଗାଡି ଆଗାମୀ କିଛି ବର୍ଷରେ ବର୍ଷକୁ ୫୦ ଲକ୍ଷ ଲେଖାଏଁ ବିକ୍ରି ହେବା ନେଇ ଯୋଜନା ରଖାଯାଇଛି ଏବଂ ଏଥିପାଇଁ ପଦକ୍ଷେପ ନିଆଯାଉଛି । ଗତ ବର୍ଷ ଏହି ସଂଖ୍ୟା ୪୧ ଲକ୍ଷ ଥିଲା । ଏଥିସହ କମ୍ପାନୀ ସ୍ମାର୍ଟ ମୋବିଲିଟି ଉପରେ ମଧ୍ୟ ଧ୍ୟାନ ଦେଉଛି ।
Comments are closed.