ହରଭଙ୍ଗା : ହରଭଙ୍ଗା ବ୍ଲକ ଅନ୍ତର୍ଗତ ଆଡ଼େଣିଗଡ଼ଠାରେ ମହାସମାରୋହରେ ଗାଁର ଇଷ୍ଟଦେବୀ ଙ୍କ ପୂଜା ପାଳିତ ହୋଇଯାଇଛି। ତିନି ଦିନ ଧରି ଚାଲିଥିବା ଏହି ପୂଜା ର ପ୍ରଥମ ଦିନ ବାର, ଦ୍ଵିତୀୟ ଦିନ ପୂଜା ଓ ତୃତୀୟ ଦିନ ତୁର୍କୀପେନୁ ନାମରେ ନାମିତ। ବର୍ଷ କୁ ଥରେ ଜ୍ୟଷ୍ଠ ମାସ ଶୁକ୍ଳ ପକ୍ଷ ଦ୍ଵିତୀୟ ମଙ୍ଗଳବାର ଦିନ ଏହା ଅନୁଷ୍ଠିତ ହୋଇଥାଏ। କାହିଁ କେଉଁ ଆବାହନମାନ କାଳରୁ ଏହି ପୂଜା ହୋଇଆସୁଛି। ଗାଁର ମଙ୍ଗଳ ପାଇଁ ସାଧାରଣତଃ ଏହି ପୂଜା କରାଯାଇଥାଏ ବୋଲି ଗ୍ରାମବାସୀମାନେ ମତ ରଖିଛନ୍ତି।ଏହି ତିନି ଦିନ ସମସ୍ତେ ସ୍ଵଚ୍ଛମନରେ ଉପବାସ ରହି ଏହି ପୂଜା କରିଥାନ୍ତି। ଗାଁର ଇଷ୍ଟଦେବୀ ମାଁ ବରାଳଦେବୀ, ବୁଢ଼ାବଉରା, ମାଟି ମା, ତୁର୍କୀପେନୁ ଙ୍କୁ ପୂଜା କରାଯାଇଥାଏ। ଇଷ୍ଟ ଦେବୀ, ମାଟି ମାଁ ଙ୍କୁ ପୂଜା କଲେ ବର୍ଷ ସାରା ଗାଁ ରେ ଚାଷ କାମ ଭଲ ହେବା ସହିତ ସମସ୍ତ ଗ୍ରାମବାସୀ ସୁଖ ଶାନ୍ତି ରେ ରହିଥାନ୍ତି ବୋଲି ଗ୍ରାମବାସୀ ମାନଙ୍କର ବିଶ୍ୱାସ ରହିଛି। ଗ୍ରାମଦେବୀ ଙ୍କ ନିକଟରେ ଝୁଣା, ଧୂପ, ଉଖୁଡ଼ା, ଭୋଗ ସହିତ କୁକୁଡ଼ା ଓ ପଶୁ ବଳି ମଧ୍ୟ ଦିଆଯାଇଥାଏ। ଏହି ତିନି ଦିନ ଗାଁ ରୁ କେହି କୁଆଡ଼େ ନ ଯିବା ଏବଂ ବାହାରୁ ଗାଁ କୁ କେହି ନ ଆସିବା ଏକ ମୁଖ୍ୟ ପରମ୍ପରା ରହିଛି। ମୁଖ୍ୟ ପୂଜକ ବା ଦେହେରୀ ଭାବେ ମାନସ ପାତ୍ର ଓ ବାହୁକ ଭାବେ ପାଣୁଆ ବେହେରା ରହିଥିବା ବେଳେ ଗ୍ରାମ ମୁଖିଆ ଶ୍ରୀପତି ଭୋଇଙ୍କ ସହିତ ମୋହନ ସାହୁ, ବ୍ରହ୍ମ ନନ୍ଦ ବାଘ, ପୁରେନ୍ଦ୍ର ବାଘ, ପତିତ ମଲିକ ପ୍ରମୁଖ ସହଯୋଗ କରିଥିଲେ।
Comments are closed.