ଇଣ୍ଟରନେଟ୍ ଯୁଗରେ କୌଣସି ଘଟଣାର ଭିଡିଓ ସୋସିଆଲ ମିଡିଆରେ ଶେୟାର ହେଲେ ତାହା ତୁରନ୍ତ ଭାଇରାଲ ହୋଇଯାଇଥାଏ। ଅନେକ ସମୟରେ ଆପଣ ଦେଖିଥିବେ କୌଣସି ଆପରାଧିକ ଘଟଣାର ସିସିଟିଭି ଫୁଟେଜ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥାଏ। ଯାହାଦ୍ୱାରା ପୁଲିସକୁ ଅଭିଯୁକ୍ତମାନଙ୍କୁ ଧରିବାରେ ସଫଳତା ମିଳିଥାଏ। ଏଭଳି ଏକ ସିସିଟିଭି ଫୁଟେଜ ସୋସିଆଲ ମିଡିଆରେ ଦ୍ରୁତଗତିରେ ଭାଇରାଲ ହେଉଛି, ଯେଉଁଥିରେ ଏକ ଚୋର ଗୋଷ୍ଠୀ ଚୋରି କରୁଥିବାର ନଜର ଆସୁଛି।
ଭାଇରାଲ ଭିଡିଓଟି ଗାଜିଆବାଦର ବୋଲି ଜଣାପଡ଼ିଛି। ଭିଡିଓରେ କିଛି ଯୁବକ ରାତିରେ ଛେଳି ଚୋରି କରୁଥିବା ଦେଖାଯାଉଛି। ତେବେ ଆଶ୍ଚର୍ଯ୍ୟର କଥା ହେଲେ ଛେରି ଚୋରି କରିବା ଲାଗି ଚୋରମାନେ ଏକ କାରରେ ଆସିଥିଲେ। ଯୁବକମାନେ କାରରୁ ଓହ୍ଲାଇ ରାସ୍ତାପାର୍ଶ୍ବ ଏକ ଗଳିରେ ଖୋଲା ସ୍ଥାନରେ ରହିଥିବା ଛେଳିଙ୍କୁ ଉଠାଇ ନେଇଥିଲେ। ସେମାନେ ଗୋଟିଏ ପରେ ଗୋଟିଏ ଛେଳିଙ୍କୁ ଉଠାଇ ଗାଡ଼ିରେ ଭର୍ତ୍ତି କରି ସେଠାରୁ ଚାଲିଯାଇଥିଲେ। ଏହି ଭିଡିଓ ସ୍ଥାନୀୟ ଅଞ୍ଚଳରେ ବେଶ୍ ଚର୍ଚ୍ଚାର ବିଷୟ ପାଲଟିଛି। ଚୋରିଠାରୁ ଅଧିକ ଚର୍ଚ୍ଚାରେ ରହିଛି ଚୋରଙ୍କ କାର୍।
ଚୋରି ସମୟର ଦୃଶ୍ୟ ଭାଇରାଲ ହେବା ପରେ ପୁଲିସ ଅଭିଯୁକ୍ତମାନଙ୍କୁ ଚିହ୍ନଟ କରି ଗିରଫ କରିଛି। ଅଭିଯୁକ୍ତମାନେ ସ୍ଥାନୀୟ ଅଞ୍ଚଳରୁ ଏହିପରି ଢଙ୍ଗରେ ୨୭ ଛେଳି ଚୋରି ଥିବା ଜଣାପଡ଼ିଛି।
