ନୂଆଦିଲ୍ଲୀ: ରାଜସ୍ଥାନରେ ଆଜି କଂଗ୍ରେସ ସରକାର ମନ୍ତ୍ରିମଣ୍ଡଳ ଗଠନ କରୁଛି। ଦିନ ୧୧.୩୦ରୁ କ୍ୟାବିନେଟ ମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବ ଆରମ୍ଭ ହେବ। ଚଳିତ ମନ୍ତ୍ରିମଣ୍ଡଳରେ ୧୭ଟି ନୂଆ ଚେହେରା ଦୃଶ୍ୟମାନ ହେଉଛି। ଜାତିଗତ ସମୀକରଣକୁ ଦୃଷ୍ଟିରେ ରଖି କଂଗ୍ରେସ ସରକାର ୧୩ଜଣ କ୍ୟାବିନେଟ ଓ ୧୦ଜଣ ରାଜ୍ୟ ମନ୍ତ୍ରୀ ପଦ ପାଇଁ ଚୂଡ଼ାନ୍ତ କରିଛି। ମେଣ୍ଟ ରାଜନୀତିକୁ ଦୃଷ୍ଟିରେ ରଖି ଭରତପୁର ବିଧାୟକ ସୁଭାଷ ଗର୍ଗଙ୍କୁ ମଧ୍ୟ ମନ୍ତ୍ରୀ ପଦରେ ଅଧିଷ୍ଠିତ କରାଯାଉଛି। ତେବେ ଉଲ୍ଲେଖନୀୟ ବିଷୟ ଯେ, ମନ୍ତ୍ରିମଣ୍ଡଳରେ ୬୦ପ୍ରତିଶତ ଅଲୋକ ଗେହଲୋତଙ୍କ ସମର୍ଥକ ରହିଥିବାବେଳେ ୪୦ ପ୍ରତିଶତ ସଚୀନ ପାଇଲଟଙ୍କ ସମର୍ଥନଙ୍କୁ ମନୋନୀତ କରାଯାଇଛି। ମୁଖ୍ୟମନ୍ତ୍ରୀ ପଦ ପାଇଁ ରାଜସ୍ଥାନରେ ଉଭୟ ନେତାଙ୍କ ମଧ୍ୟରେ ଭିତିରିଆ ଶକ୍ତି ପ୍ରଦର୍ଶନ ଚାଲିଥିବାବେଳେ ଶେଷରେ ଅଶୋକ ଗେହଲୋତଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଘୋଷଣା କରିଥିଲେ। ତେବେ ରାଜସ୍ଥାନ ରାଜନୀତିରେ ସଚୀନ ପାଇଲଟଙ୍କ ଭୂମିକାକୁ ଦୃଷ୍ଟିରେ ରଖି ତାଙ୍କୁ ମଧ୍ୟ ରାଜ୍ୟ ସରକାରରେ ଗୁରୁତ୍ୱ ଦିଆଯିବ ବୋଲି ଆଶା କରାଯାଉ ଥିଲା। ହେଲେ ମନ୍ତ୍ରିମଣ୍ଡଳ ଗଠନରେ ମଧ୍ୟ ଶ୍ରୀ ଗେହଲୋତଙ୍କ ସମର୍ଥକଙ୍କୁ ଅଧିକ ଗୁରୁତ୍ୱ ଦିଆଯାଇ ଥିବା ପରିଲକ୍ଷିତ ହୋଇଛି।
ରାଜସ୍ଥାନରେ ୧୩ଜଣ କ୍ୟାବିନେଟ ମନ୍ତ୍ରୀଙ୍କ ମଧ୍ୟରେ ବିଡି କଲ୍ଲା, ଶନ୍ତି ଧରିବାଲ, ପରସାଦୀ ଲାଲ ମୀଣା, ମାଷ୍ଟର ଭମ୍ବରଲାଲ ମେଘବାଲ, ଲାଲଚନ୍ଦ କଟାରିଆ, ଡା. ରଘୁ ଶର୍ମା, ପ୍ରମୋଦ ଜୈନ ଭାୟା, ବିଶ୍ୱେନ୍ଦ୍ର ସିଂହ, ହରୀଶ ଚୌଧୁରୀ, ରମେଶ ଚନ୍ଦ୍ର ମିଣା, ଉଦୟଲାଲ ଅଞ୍ଜାନା, ପ୍ରତାପ ସିଂହ ଖାଚରିୟାବାସ, ସାଲେହ ମହମ୍ମଦ ପ୍ରମୁଖ ଶପଥ ଗ୍ରହଣ କରିଛନ୍ତି।
ସେହିପରି ୧୦ରାଜ୍ୟ ମନ୍ତ୍ରୀଙ୍କ ମଧ୍ୟରେ ଗୋବିନ୍ଦ ସିଂହ ଡେଟାସାରା, ଶ୍ରୀମତି ମମତା ଭୁପେଶ, ଅର୍ଜୁନ ବାମାନିଆ, ଭମ୍ବରସିଂହ ଭାଟୀ, ସୁଖରାମ ବିଶ୍ନୋଇ, ଅଶୋକ ଚାନ୍ଦଣ, ଟୀକାରାମ ଜୁଲି, ଭଜନଲାଲ ଯାଦବ, ରାଜେନ୍ଦ୍ର ଯାଦବ ଓ ସୁଭାଷ ଗର୍ଗ ଶପଥ ଗ୍ରହଣ କରିଛନ୍ତି।
ରାଜସ୍ଥାନ କ୍ୟାବିନେଟ୍: ସଚୀନଙ୍କ ଉପରେ ଭାରି ପଡ଼ିଲେ ଗେହଲୋତ
Popular Categories
Previous article
Next article