ଚିକିଟି: ଗଞ୍ଜାମ ପୁଲିସ ଜିଲା ଚିକିଟି ନିର୍ବାଚନ ମଣ୍ଡଳୀ ଚିକିଟି ବ୍ଲକ ମଇସାନପୁରରେ ସୋମବାର ନିର୍ବାଚନୀ ହିଂସା ଘଟିଛି। ଏଜେଣ୍ଟ ଫର୍ମ ଚିରି ଫାଡି ଦେବା ସହିତ ସକାଳ ସମୟରୁ ବିଜେପି କର୍ମୀଙ୍କୁ ମତଦାନ କେନ୍ଦ୍ରକୁ ଯିବା ପାଇଁ ବାରଣ କଲା ଭଳି ଗୁରୁତର ଅଭିଯୋଗ ଆସିଛି। କିଛି ବ୍ୟକ୍ତି ଠେଙ୍ଗା, ପଥର, ମାରଣାସ୍ତ୍ର ଧରି ଭୋଟରଙ୍କୁ ଭୟଭୀତ କରିବା ଫଳରେ ପୁଲିସକୁ ଖବର ଦିଆଯାଇଥିଲା। ପୁଲିସ ପହଞ୍ଚିବା ପରେ ସ୍ଥିତି ନିୟନ୍ତ୍ରଣ ହୋଇଥିବାବେଳେ ପୁଲିସ ଉପସ୍ଥିତିରେ ଭୋଟିଂ ପ୍ରକ୍ରିୟା ଚାଲିଥିବା ଥାନା ଅଧିକାରୀ କିଶୋର କୁମାର ସାମଲ ସୂଚନା ଦେଇଛନ୍ତି। ନିର୍ବାଚନ କମିଶନ ମଧ୍ୟ ଜିଲାପାଳ ଓ ଏସପିଙ୍କୁ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ନିର୍ଦ୍ଦେଶ ଦେଇଛନ୍ତି। ପ୍ରକାଶ ଥାଉ କି, ବର୍ତ୍ତମାନ ସୁଦ୍ଧା ଭୋଟର ମତଦାନ କେନ୍ଦ୍ରକୁ ଯିବା ପାଇଁ ଭୟ କରୁଥିବା ଅଭିଯୋଗ ହୋଇଛି।
Popular Categories
Previous article
Next article