ସମ୍ବଲପୁର: ସମ୍ବଲପୁର ଜିଲା ପୁଲିସ ପକ୍ଷରୁ ଚଢ଼ଉ ଅଭିଯାନ ସମୟରେ ବେଆଇନ ଭାବରେ ଗଞ୍ଜେଇ ଚାଲାଣ ଅଭିଯୋଗରେ ଜଣେ ମହିଳା ଓ ୨ ଜଣ ପୁରୁଷଙ୍କ ସମେତ ସମୁଦାୟ ୩ ଜଣଙ୍କୁ ଗିରଫ କରାଯାଇଛି। ସମ୍ବଲପୁର ସ୍ଥିତ ସଦର ଏସଡିପିଓ କାର୍ଯ୍ୟାଳୟରେ ଏସଡିପିଓ ତୁଫାନ ବାଗଙ୍କ ସୂଚନାନୁଯାୟୀ, ଶନିବାର ସକାଳ ସମୟରେ ଗଞ୍ଜେଇ ଚାଲାଣର ସୂଚନା ମିଳିବା ପରେ ଠେଲକୋଲେଇ ଥାନା ପକ୍ଷରୁ ଚେକିଂ କରୁଥିଲେ। ଠେଲକୋଲେଇ ଏସବିଆଇ ନିକଟରେ ଏକ ସନ୍ଦିଗ୍ଧ ସ୍କୁଟିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ଗାଡିରୁ ସମୁଦାୟ ୨୩ କିଗ୍ରା ୭ ଶହ ଗ୍ରାମ ଓଜନର ଅବୈଧ୍ୟ ଗଞ୍ଜେଇ ମିଳିଥିଲା। ଏଣୁ ଗାଡି ଜରିଆରେ ଗଞ୍ଜେଇ ଚାଲାଣ କରୁଥିବା ମହିଳା ଲଳିତା ଜାଲ (୩୫), ରାକେଶ ଓରାମ (୩୧) ଏବଂ ରାଜେଶ ବର୍ମା (୪୫) ଙ୍କୁ ଗିରଫ କରି ଗଞ୍ଜେଇ ଗୁଡିକୁ ଜବତ କରିଥିଲା। ଏଥି ସହ ୨ଟି ମୋବାଇଲ ମଧ୍ୟ ପୁଲିସ ଜବତ କରିଛି। ଏ ନେଇ ଠେଲକୋଲେଇ ଥାନାରେ ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ ଗିରଫ କରି ଅଦାଲତକୁ ଚାଲାଣ କରିଥିବା ବେଳେ ଗଞ୍ଜେଇ, ସ୍କୁଟି ଓ ମୋବଇଲ ଗୁଡିକୁ ଜବତ କରି ଘଟଣାର ଅଧିକ ତଦନ୍ତ କରୁଛି ବୋଲି ଏସଡିପିଓ ଶ୍ରୀ ବାଗ କହିଛନ୍ତି।
Popular Categories
Previous article
Next article