ନୂଆଦିଲ୍ଲୀ: ପ୍ରବଳ ବର୍ଷା ଯୋଗୁଁ ଦୁବାଇରେ ଅବସ୍ଥା ଅତ୍ୟନ୍ତ ଶୌଚନୀୟ। ରାସ୍ତା ଓ ସପିଂ ମଲରେ ଆଣ୍ଠୁଏ ଉପରେ ପାଣି ଜମା ହୋଇଥିବା ବେଳେ ବିଭିନ୍ନ ଘରର ଛାତରୁ ପାଣି ଲିକ୍ ହେବାର ଦେଖିବାକୁ ମିଳିଛି। ଦୁବାଇ ସମେତ ବାହାରେନରେ ମଧ୍ୟ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏଠାରେ ମଙ୍ଗଳବାର ଦିନ ପ୍ରବଳ ବର୍ଷା ହେବା କାରଣରୁ ସମଗ୍ର ସହର ଜଳମଗ୍ନ ହୋଇଥିଲା। ବ୍ୟସ୍ତବହୁଳ ଭରା ଏହି ଦୁବାଇ ସହରରେ ଲୋକମାନଙ୍କ ଯାତାୟତ ଯେପରି ବର୍ଷା ପାଇଁ ସମ୍ପୂର୍ଣ୍ଣ ସ୍ଥଗିତ ହୋଇଯାଇଥିଲା। ରାସ୍ତାରେ ଜଳ ନିଷ୍କାସନ ସମସ୍ୟା ଉପୁଜିଛି। ଦୁବାଇରେ ପ୍ରକୃତିର ଏଭଳି ରୂପ ପ୍ରଥମ ଥର ଦେଖିବାକୁ ମିଳିଛି।
ମଙ୍ଗଳବାର ବର୍ଷା ପାଇଁ ଦୁବାଇ ଅନ୍ତର୍ଜାତୀୟ ବିମାନବନ୍ଦରରେ ପାଣି ଜମା ହୋଇଥିବା ଦେଖିବାକୁ ମିଳିଛି। ଅବସ୍ଥା ଏପରି ହୋଇଥିଲା ଯେ ବିମାନବନ୍ଦରକୁ ଆସିବାକୁ ଥିବା ଅନେକ ବିମାନର ଗତିପଥ ବଦଳାଇ ଦିଆଯାଇଛି। ସନ୍ଧ୍ୟାରେ ୧୦୦ରୁ ଅଧିକ ବିମାନ ଦେଖିବାକୁ ମିଳୁଥିବା ଏହି ବିମାନବନ୍ଦରରେ ପ୍ରବଳ ବର୍ଷା ଯୋଗୁ ବିମାନ ଚଳାଚଳରେ ବାଧା ସୃଷ୍ଟି ହୋଇଥିଲା। ୨୫ ମିନିଟ୍ ପରେ ଧୀରେ ଧୀରେ ବର୍ଷା କମିବା ପରେ ବିମାନ ଚଳାଚଳ ଆରମ୍ଭ ହୋଇଥିଲା। ସୋସିଆଲ ମିଡ଼ିଆରେ ଭାଇରାଲ ହୋଇଥିବା ଏହି ଭିଡ଼ିଓରୁ ଜଣାପଡୁଛି ଯେ ଏୟାରପୋର୍ଟର ରନୱେ ଏବଂ ବିମାନବନ୍ଦର ପାର୍କିଂ ସମ୍ପୂର୍ଣ୍ଣ ଜଳମଗ୍ନ ହୋଇଯାଇଛି।
Dubai Airport right now
pic.twitter.com/FX992PQvAU— Science girl (@gunsnrosesgirl3) April 16, 2024
