ଲାଞ୍ଜିଗଡ଼: କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଛତ୍ରପୁର ପଞ୍ଚାୟତର ପତ୍ରାପଡା ଖେଳପଡିଆଠାରେ ବାବା ସାହେବ ଯୁବା କେନ୍ଦ୍ର ଦ୍ବାରା ଆୟୋଜିତ ପ୍ରଥମ ଶମ୍ଭୁ ହରପାଲ ମେମୋରିଆଲ ନକ୍ଆଉଟ୍ କ୍ରିକେଟ୍ ପ୍ରତିଯୋଗିତା ଉଦଯାପିତ ହୋଇଯାଇଛି। ଏହି ଉଦଯାପନୀ ମ୍ୟାଚ୍ ଗବର୍ଦ୍ଧନ ଓ ଜଗନ୍ନାଥପୁର ଦଳ ମଧ୍ୟରେ ହୋଇଥିଲା। ଗବର୍ଦ୍ଧନ ଦଳ ପ୍ରଥମେ ଟସ ଜିତି ୮ ଉଇକେଟ ବିନିମୟରେ ୧୬୦ ରନ କରିଥିବା ବେଳେ ଜବାବରେ ଜଗନ୍ନାଥପୁର ଦଳ ୮ ଉଇକେଟ ବିନିମୟରେ ୧୩୬ ରନ୍ କରି ଗବର୍ଦ୍ଧନ ଠାରୁ ପରାଜୟ ହୋଇଥିଲା।
ଉଦଯାପନୀ ମ୍ୟାଚରେ ମୁଖ୍ୟ ଅତିଥି ଭାବେ ଲାଞ୍ଜିଗଡ଼ ପଞ୍ଚାୟତ ସମିତି ଅଧ୍ୟକ୍ଷା ପ୍ରତିନିଧି ହରିଶଙ୍କର ପାତ୍ର ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ସାମ୍ବାଦିକ ଗୋପାଳ ଦାସ ମହାନନ୍ଦ, ଗାଁ ମୁଖିଆ ତ୍ରିନାଥ ଦୁର୍ଗା, ବନଭୁଲ ହରପାଲ, ଲଳିତା ହରପାଲ ପ୍ରମୁଖ ଉପସ୍ଥିତ ଥିଲେ। ଏହି ଉଦଯାପନୀ ମ୍ୟାଚରେ ସନ୍ତୋଷ ନିଆଲ ଓ ଲୋଚନ ପ୍ରାଧାନୀ ଖେଳ ପରିଚାଳନା କରିଥିଲେ।
Comments are closed.