ନୂଆଦିଲ୍ଲୀ : ଆର୍ଥିକ ସମସ୍ୟା ଦେଇ ଗତି କରୁଥିବା ଆଡଟେକ୍ କମ୍ପାନୀ ବାୟଜୁସ ଏବେ ଫୋନ୍ କଲରେ କର୍ମଚାରୀଙ୍କୁ ଛଟେଇ କରିବା ଆରମ୍ଭ କରିଦେଇଛି । ବାୟଜୁସର ଆର୍ଥିକ ସମସ୍ୟା ଏତେ ଖରାପ କି କମ୍ପାନୀ କୌଣସି କର୍ମଚାରୀଙ୍କ କାମକୁ ସମୀକ୍ଷା ମଧ୍ୟ କରୁନି କିମ୍ବା ନୋଟିସ୍ ପିରିୟଡ୍ ମଧ୍ୟ ଦେଉନି । ସିଧା ଫୋନ୍ କରି କର୍ମଚାରୀଙ୍କୁ ଚାକିରିରୁ ବାହାର କରୁଛି ।
ଏହି ପର୍ଯ୍ୟାୟରେ ବାୟଜୁସ ପ୍ରାୟ ୫୦୦ ଲୋକଙ୍କୁ ଚାକିରିରୁ ବାହାର କରିଦେଇଛି । କହିରଖୁଛୁ କମ୍ପାନୀ ଛଟେଇ ୨୦୨୨ ମସିହାରୁ ଆରମ୍ଭ କରିଛି । ଗତ ୨ ବର୍ଷରେ କମ୍ପାନୀ ୧୦ ହଜାର କର୍ମଚାରୀଙ୍କୁ ଚାକିରିରୁ ବିଦା କରିସାରିଲାଣି । ବର୍ତ୍ତମାନ କମ୍ପାନୀରେ ମାତ୍ର ୧୪ ହଜାର କର୍ମଚାରୀ ଅଛନ୍ତି । ଛଟେଇର କାରଣ ଆର୍ଥିକ ସମସ୍ୟା ବୋଲି କମ୍ପାନୀ ସୂଚନା ଦେଇଛି । କମ୍ପାନୀର ମୁଖପାତ୍ର କହିଛନ୍ତି କି ଅକ୍ଟୋବର ୨୦୨୩ରେ କର୍ମଚାରୀଙ୍କ ଢାଞ୍ଚାରେ କିଛି ପରିବର୍ତ୍ତନ କରାଯାଇଥିଲା ଯାହା ଫଳରେ କମ୍ପାନୀର ଖର୍ଚ୍ଚ କମାଇହେବ । କମ୍ପାନୀ ଆର୍ଥିକ ସମସ୍ୟା ଦେଇ ଗତିକରୁଛି ଏବଂ ଏହାର ପ୍ରଭାବ ପ୍ରତି କର୍ମଚାରୀଙ୍କ ଉପରେ ପଡୁଛି ବୋଲି ସେ କହିଛନ୍ତି ।
