ଚୌଦ୍ୱାର: ଚୌଦ୍ୱାର ଥାନା ଅନ୍ତର୍ଗତ ମହିସାଲଣ୍ଡା ଗ୍ରାମ ନିକଟରୁ ଏକ ଗୋରୁ ଭର୍ତ୍ତି ଗାଡ଼ିକୁ ପୁଲିସ ଜବତ କରିବା ସହିତ ଗୋରୁ ଚାଲାଣ କରୁଥିବା ଦୁଇଜଣ ବ୍ୟକ୍ତିଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ଟାଙ୍ଗୀ-ଚୌଦ୍ୱାର ବ୍ଲକ୍ ଭଗତପୁରର ସଦମା ଖାନ୍ ଓ ମିର୍ଜା ସବ୍ୱିର ।
ପୁଲିସ ସୂଚନା ଅନୁଯାୟୀ ବେଆଈନ୍ ଗୋରୁ ଚାଲାଣ ହେଉଥିବା ବିଶେଷ ସୁତ୍ରରୁ ଖବର ପାଇଁ ଚୌଦ୍ୱାର ଥାନାର ଏକ ଦଳ ମହିସାଲଣ୍ଡା ରାସ୍ତାରେ ଜଗି ରହିଥିଲେ । ସେହି ବାଟେ ଗୋରୁ ଭର୍ତ୍ତି କରି ଯାଉଥିବା ଏକ ଟାଟା ଏସିଇ ଗାଡ଼ିକୁ ପୁଲିସ ଅଟକାଇ ସେଥିରୁ ୫ଟି ଗୋରୁଙ୍କୁ ଉଦ୍ଧାର କରିବା ସହିତ ଗାଡ଼ିଟିକୁ ଜବତ କରି ଥାନାକୁ ଆଣିଥିଲେ । ଉଦ୍ଧାର କରାଯାଇଥିବା ଗୋରୁ ସବୁକୁ ମଙ୍ଗରାଜପୁରସ୍ଥିତ ନନ୍ଦଗାଁ ଗୋଶାଳାରେ ଛାଡ଼ିଥିଲେ । ୠିରଫ ଅଭିଯୁକ୍ତମାନଙ୍କୁ ଅଦାଲତ ଚାଲାଣ କରାଯାଇଛି ।
