ନୂଆଦିଲ୍ଲୀ: ଆମେରିକାର ବାଲଟିମୋର ସହରରେ ଅଘଟଣ। ମଙ୍ଗଳବାର ରାତିରେ ଏକ ଜାହାଜ ଧକ୍କାରେ ବ୍ରିଜ୍ ଭୁଶୁଡି ପଡିଛି। ବ୍ରିଜ୍ର କିଛି ଅଂଶରେ ଜାହାଜଟି ପିଟି ହେବାରୁ ଏହା ସଂପୂର୍ଣ୍ଣରୂପେ ଭାଙ୍ଗି ଯିବା ସହ ପାଣିରେ ଖସି ପଡ଼ିଛି। ଦୁର୍ଘଟଣାରେ ନିଖୋଜ ଥିବା ୬ ଶ୍ରମିକଙ୍କ ମୃତ୍ୟୁ ହୋଇଥିବାବେଳେ ପୁଲିସ୍ ମୃତଦେହ ଉଦ୍ଧାର କରିଛି। ଏବେବି ଉଦ୍ଧାର କାର୍ଯ୍ୟ ଜାରି ରହିଛି । ଏବେବି ଅନେକ ନିଖୋଜଙ୍କ ପତ୍ତା ମିଳିନି । ପ୍ରାୟ ୩୦୦ ମିଟର ଲମ୍ବ ବିଶିଷ୍ଟ ଏହି କାର୍ଗୋ ସିପ୍ରେ ସିଙ୍ଗାପୁର ପତାକା ଲାଗିଥିଲା। ‘ଡଲି’ ନାମକ ଏହି ଜାହାଜଟି ଶ୍ରୀଲଙ୍କାର ରାଜଧାନୀ କଲମ୍ବୋକୁ ଯାଉଥିଲା। ପାଲପସ୍କୋ ନଦୀରେ ଯାଉଥିବା ବେଳେ ବନ୍ଦର ଛାଡ଼ିବାର ମାତ୍ର ୩୦ ମିନିଟ ଭିତରେ ଦୁର୍ଘଟଣା ହୋଇଥିଲା। ଦୁର୍ଘଟଣାଗ୍ରସ୍ତ କାର୍ଗୋ ଜାହାଜର ସମସ୍ତ ୨୨ କର୍ମଚାରୀ ହେଉଛନ୍ତି ଭାରତୀୟ । ସମସ୍ତେ ସୁରକ୍ଷିତ ଥିବା ଜାହାଜ କମ୍ପାନି ପକ୍ଷରୁ କୁହାଯାଇଛି। ସେପଟେ ଜାହଜର କ୍ରୁ ମେମ୍ବରଙ୍କ ଯୋଗୁ ବଡ଼ ଦୁର୍ଘଟଣାକୁ ଏଡ଼ାଇ ଦିଆଯାଇପାରିଲା ବୋଲି ସ୍ଥାନୀୟ ଗଭର୍ନର କହିଛନ୍ତି। ତେଣୁ ଜାହଜର ସମସ୍ତ କ୍ରୁ ମେମ୍ବରଙ୍କୁ ସେ ହିରୋ ଆଖ୍ୟା ଦେଇଛନ୍ତି ।
ଆମେରିକାରେ ବ୍ରିଜ୍ ଭୁଶୁଡ଼ିବା ଘଟଣା: ଜାହାଜରେ ଥିବା ଭାରତୀୟ କ୍ରୁ ମେମ୍ବରଙ୍କୁ ମିଳିଲା ହିରୋ ଆଖ୍ୟା
Popular Categories
Previous article
Next article