ନୀଳଗିରି: ବାଲେଶ୍ୱର ଜିଲା ଅଧୀନ ନୀଳଗିରିସ୍ଥିତ କୁଲଡିହା ଅଭୟାରଣ୍ୟ ଭିତରେ ୨ଜଣ ସବୁଜବାହିନୀଙ୍କୁ ଗୁଳିମାଡ଼ କରାଯିବା ଘଟଣାରେ ବନବିଭାଗ ଅହୋରାତ୍ର ଶିକାରୀଙ୍କୁ ତଲାସି କରିବାରେ ଲାଗିଛି । ନୀଳଗିରିର ଜଙ୍ଗଲ ପାଦଦେଶରେ ୩/୪ଦିନ ହେବ ଚଢ଼ଉ ଯୋଗୁ ଶିକାରୀଙ୍କ ଗିରଫ ସଂଖ୍ୟା ୧୩କୁ ବୃଦ୍ଧି ହୋଇଛି । ଗତକାଲି ବିଳମ୍ବିତ ରାତିରେ ପୁଣିଥରେ ଏହି ଟିମ୍ ନୀଳଗିରିର ବରହମପୁର ଥାନା ଅଞ୍ଚଳରେ ଚଢ଼ଉ କରିଥିଲା । ଏହି ଚଢ଼ଉରେ ୭ଜଣ ଶିକାରୀଙ୍କୁ ଗିରଫ କରାଯାଇଥିବା ବେଳେ ସେମାନଙ୍କଠାରୁ ୭ଟି ବନ୍ଧୁକ ଜବତ କରାଯାଇଛି । ଏନେଇ ବରହମପୁର ଥାନାରେ ଏନେଇ ଆର୍ମ୍ସ ଆକ୍ଟ ମୂଳେ ଏକ ମାମଲା ମଧ୍ୟ ରୁଜୁ କରାଯାଇଛି । ଚଢ଼ଉରେ କୁଲଡିହା ରେଞ୍ଜ ଅଧିକାରୀ ପ୍ରବୀର ମୁର୍ମୁ, ବରହମପୁର ଥାନା ଓଆଇସି ଶୁଭେନ୍ଦୁ ମିଶ୍ରଙ୍କ ସମେତ ବନ ଓ ପୁଲିସ ବିଭାଗର କର୍ମଚାରୀ ସାମିଲ ଥିଲେ ।
Comments are closed.