କଳାପଥର:ବାଙ୍କୀ ଥାନା ଅନ୍ତର୍ଗତ ବିଲିପଡା ଗ୍ରାମର ଧଡେଶ୍ୱର ରାଉତ (ସୁବଳ) ୪୯ ବିଲକୁ ଟମାଟୋ ତୋଳିବାକୁ ଯାଇଥିବା ବେଳେ ତାଙ୍କୁ ବାରହା ଆକ୍ରମଣ କରିଥିଲା ଏବଂ ଧଡେଶ୍ବରଙ୍କ ଘଟଣାସ୍ଥଳରେ ତା’ର ମୃତ୍ୟୁ ଘଟିଛି । ଘଟଣାରୁ ପ୍ରକାଶ ଯେ ଆଜି ଧଡେଶ୍ୱର ବିଲକୁ ଟମାଟୋ ତୋଳିବାକୁ ଯାଇଥିଲା। ଏହି ସମୟରେ ତାଙ୍କୁ ବାରହା ଆକ୍ରମଣ କରିଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ସେ ଗରିବ ଶ୍ରେଣୀର ଚାଷୀ ଅଟେ । ତା’ର ମୃତ ଶରୀରକୁ ୧୦୮ ଯୋଗେ ବାଙ୍କୀ ଉପଖଣ୍ଡ ଡାକ୍ତରଖାନାକୁ ଅଣାଯାଇଛି । ଆସନ୍ତା କାଲି ତାଙ୍କର ମୃତଦେହ ବ୍ୟବଚ୍ଛେଦ କରାଯିବ ବୋଲି ଉପଖଣ୍ଡ ଚିକିତ୍ସାଳୟ ତରଫରୁ ସୂଚନା ଦିଆଯାଇଛି।
ଏହି ଘଟଣା ନୂଆ ନୁହେଁ ପୂର୍ବରୁ ମଧ୍ୟ ବହୁଚାଷୀ ବରାହ ଆକ୍ରମଣରେ ଆହତ ହୋଇଛନ୍ତି । ବାରମ୍ବାର ବନବିଭାଗକୁ ଅଭିଯୋଗ କଲେ ମଧ୍ୟ କୌଣସି ଉପରିସ୍ଥ ଅଫିସର ଏଥିପାଇଁ କର୍ଣ୍ଣପାତ କରୁନାହାଁନ୍ତି । ତୁରନ୍ତ ବନବିଭାଗ କ୍ଷତି ପୂରଣ ଦେବା ସହ ଏହାର ସ୍ଥାୟୀ ପ୍ରତିକାର ପାଇଁ ସ୍ଥାନୀୟ ଚାଷୀମାନେ ଦାବି କରିଛନ୍ତି । ଏହି ଘଟଣାକୁ ନେଇ ସ୍ଥାନୀୟ ଚାଷୀଙ୍କ ମଧ୍ୟରେ ଭୟ ଖେଳିଯାଇଛି ।
Comments are closed.