ବୌଦ୍ଧ : ଅଦିନିଆ ଝଡ଼ ବର୍ଷା ରବି ଫସଲ ପାଇଁ ହେଲା କାଳ । ଏହି ବର୍ଷା କାରଣରୁ ବୌଦ୍ଧ ଜିଲାର ଅନେକ ଚାଷୀ କ୍ଷତିଗ୍ରସ୍ତ ହୋଇଥିବା ଜଣାଯାଇଛି । ଗତ ତିନି ଦିନ ଧରି ଜିଲାର ବିଭିନ୍ନ ସ୍ଥାନରେ ପ୍ରବଳ ଝଡ ତୋଫାନ ସହିତ ଝିପିଝିପି ବର୍ଷା ଲାଗି ରହିଥିଲା । ଯାହା କାରଣରୁ ଏହାର ସିଧାସଳଖ ପ୍ରଭାବ ଚାଷୀଙ୍କ ଉପରେ ପଡ଼ିଛି । ଅନେକ ସ୍ଥାନରେ ପନିପରିବା ଚାଷ ପ୍ରଭାବିତ ହୋଇଥିବା ଦେଖିବାକୁ ମିଳିଛି । ବିଶେଷ ଭାବରେ ରବି ଫସଲରେ ବ୍ୟାପକ କ୍ଷୟକ୍ଷତି ହୋଇଥିବା ଚାଷୀ ଅଭିଯୋଗ କରିଛନ୍ତି । ଏହି ବର୍ଷା କାରଣରୁ ବୌଦ୍ଧ ଜିଲାର ଅନେକ ଚାଷୀ କ୍ଷତିଗ୍ରସ୍ତ ହୋଇଥିବା ଦେଖିବାକୁ ମିଳିଛି ।
ଏହାର ସିଧାସଳଖ ପ୍ରଭାବ ଚାଷୀ କୂଳ ଉପରେ ପଡ଼ିଛି । ଅଦିନିଆ ଝଡ଼ ବର୍ଷାର ପ୍ରଭାବରେ ରବି ଫସଲ ନଷ୍ଟ ହୋଇଯାଇଥିବା ଦେଖିବାକୁ ମିଳିଛି । ପ୍ରବଳ ଝଡ ତୋଫାନ ସାଙ୍ଗକୁ ଝିପିଝିପି ବର୍ଷା ଲାଗି ରହିଥିଲା । ସବୁଆଡେ କୋହଲା ପାଗ ସୃଷ୍ଟି ହୋଇଥିବା ବେଳେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇଥିଲା । ଏହି ଅଦିନିଆ ଝଡ଼ ବର୍ଷା ଯୋଗୁଁ ଏହାର ସିଧାସଳଖ ପ୍ରଭାବ ଚାଷୀ କୂଳ ଉପରେ ପଡ଼ିଛି । ପନିପରିବା ଚାଷ ସହିତ ତରଭୁଜ ଚାଷ ତଥା ବୌଦ୍ଧ ଜିଲ୍ଲାର ସ୍ବତନ୍ତ୍ର ପରିଚୟ ଥିବା ମୁଗ, ହରଡ, କୋଳଥ, ଚଣା, ଝୁଡୁଙ୍ଗ ଭଳି ରବି ଫସଲ ଉପରେ ଏହାର ଗଭୀର ପ୍ରଭାବ ପଡିଛି ।
ଅନେକ ସ୍ଥାନରେ ଚାଷ ଜମିରେ ମୁଗ, ହରଡ ଝଡିଯାଇ ବ୍ୟାପକ କ୍ଷୟକ୍ଷତି ହୋଇଛି । ଏହାଛଡା ବର୍ତ୍ତମାନ ସମୟରେ ମାଣ୍ଡିଆ ଉତ୍ପାଦନ ସମୟ ହୋଇଥିବା ବେଳେ ଝଡ଼ ବର୍ଷା ଯୋଗୁଁ ଏଥିରେ ମଧ୍ୟ କ୍ଷତି ହେବାର ଆଶଙ୍କା ସୃଷ୍ଟି ହୋଇଛି। ଧାର କରଜ କରି ରବି ଫସଲ ଚାଷ କରିଥିବା ଚାଷୀ ମୁଣ୍ଡରେ ଏବେ ଚିନ୍ତାର ପାହଡ ମାଡ଼ି ଯାଇଛି। ଏନେଇ ଜିଲ୍ଲା କୃଷି ବିଭାଗ ସ୍ବତନ୍ତ୍ର ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ଗ୍ରହଣ ପାଇଁ ଚାଷୀ ଦାବି କରିଛନ୍ତି । ସେପଟେ ଲଗାଣ ବର୍ଷା ଯୋଗୁ ଚାଷୀମାନଙ୍କର ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡ଼ିଛି । ଠିକ୍ ଅମଳ ସମୟରେ ତୁହାକୁ ତୁହା ବର୍ଷା ଏବଂ ପବନ ଯୋଗୁଁ ପରିବା ଚାଷ ଉପରେ ପଡିଛି ବ୍ୟାପକ ପ୍ରଭାବ ।
Comments are closed.