ଇସଲାମାବାଦ୍: ସେନା ଯବାନଙ୍କ ସହ ପାକିସ୍ତାନ କ୍ରିକେଟ ଦଳର ଖେଳାଳିମାନେ ଶାରୀରିକ ଅଭ୍ୟାସ କରିବେ। କ୍ରିକେଟର୍ଙ୍କ ଫିଟନେସ୍ରେ ଉନ୍ନତି ଆଣିବା ପାଇଁ ପାକିସ୍ତାନ କ୍ରିକେଟ୍ ବୋର୍ଡ(ପିସିବି) ଅଧ୍ୟକ୍ଷ ମୋହସିନ ନକ୍ଭି ଏହି ନିଷ୍ପତ୍ତି ନେଇଛନ୍ତି। ଆସନ୍ତା ୨୫ରୁ ଏପ୍ରିଲ ୮ ପର୍ଯ୍ୟନ୍ତ ପାକିସ୍ତାନ କ୍ରିକେଟର୍ମାନେ ସେନା ଏକାଡେମୀରେ ରହି ଯବାନଙ୍କ ସହ ଶାରୀରିକ ଅଭ୍ୟାସ କରିବେ। ଇସଲାମାବାଦ୍ର ଏକ ହୋଟେଲରେ ନକ୍ଭି କେତେଜଣ ପାକିସ୍ତାନ କ୍ରିକେଟର୍ଙ୍କ ସହ ଆଲୋଚନା କରିଥିଲେ। ପାକିସ୍ତାନ ସୁପର ଲିଗ୍ରେ ଖେଳୁଥିବା କ୍ରିକେଟର୍ଙ୍କ ଫିଟନେସ୍ ଭଲ ନ ଥିବା ସେ ଅନୁଭବ କରିଥିଲେ। କ୍ରିକେଟର୍ଙ୍କ ଫିଟନେସ୍ରେ ଉନ୍ନତି ଆଣିବାକୁ ସେନା ଯବାନଙ୍କ ସହ ଶାରୀରିକ ଅଭ୍ୟାସ କରିବା ଠିକ୍ ହେବ ବୋଲି ନକ୍ଭି ନିଷ୍ପତ୍ତି ନେଇଥିଲେ। ଆଗାମୀଦିନରେ ପାକିସ୍ତାନ ଦଳ ନ୍ୟୁଜିଲାଣ୍ଡ, ଆୟରଲାଣ୍ଡ ଓ ଇଂଲଣ୍ଡ ବିପକ୍ଷରେ ଶୃଙ୍ଖଳା ଖେଳିବ। ଏହାବାଦ୍ ଏହି ଦଳ ଟି୨୦ ବିଶ୍ବକପ୍ରେ ଭାଗ ନେବ। ଏହାକୁ ଦୃଷ୍ଟିରେ ରଖି ପାକିସ୍ତାନ କ୍ରିକେଟର୍ଙ୍କ ଫିଟନେସ୍ରେ ଉନ୍ନତମାନର ହେବା ଉଚିତ୍ ବୋଲି ନକ୍ଭି କହିଛନ୍ତି।
Popular Categories
Previous article
Next article