ଅହମଦାବାଦ : ବିଦ୍ୟୁତ୍ ଚୋରି ଅଭିଯୋଗରେ ଗୁଜରାଟର ଅହମାଦାଦ କୋର୍ଟ ଜଣେ ଶତାୟୁ ମହିଳାଙ୍କ ବିରୋଧରେ ଗିରଫ ୱାରେଣ୍ଟ ଜାରି କରିବା ଘଟଣା ଚର୍ଚ୍ଚାର ବିଷୟ ହୋଇଛି। ତେବେ ମହଳା ଜଣକ ଗିରଫ ହେବା ପରେ ଜାମିନ ପାଇଛନ୍ତି।
ସୂଚନା ଅନୁସାରେ ଅହମଦାବାଦର ଏକ ଥାନାରେ ୱସିମାବାଇ ନିଜାମୁଦ୍ଦିନ ଅନସାରୀଙ୍କ ବିରୋଧରେ ବିଦ୍ୟୁତ୍ ଚୋରି ନେଇ ମାମଲା ରୁଜୁ ହୋଇଥିଲା। ଅଦାଲତରେ ଶୁଣାଣି ବେଳେ ମହିଳା ଜଣଙ୍କ ହାଜର ହୋଇନଥିଲେ। ଶୁଣାଣି ବେଳେ ବାରମ୍ବାର ଅନୁପସ୍ଥିତ ରହିବାରୁ ଅଦାଲତ ମହିଳାଙ୍କ ବିରୋଧରେ ଗିରଫ ୱାରେଣ୍ଟ ଜାରି କରିଥିଲେ। ପୁଲିସ୍ ତାଙ୍କୁ ଗିରଫ କରି କୋର୍ଟରେ ହାଜର କରିଥିଲା। ସେଠାରୁ କୋର୍ଟ ତାଙ୍କୁ ଜେଲ୍ ପଠାଇ ଦେଇଥିଲେ। ଜେଲ୍ରେ ୫ ଦିନ ରହିବା ପରେ ମହିଳାଙ୍କୁ ସର୍ତ୍ତମୂଳନ ଜାମିନ୍ ମିଳିଛି। ଜାମିିନ୍ ଆବେଦନରେ ଲେଖାଯାଇଛି ଯେ ମହିଳାଙ୍କ ବୟସ ୧୦୦ ବର୍ଷରୁ ଊର୍ଦ୍ଧ୍ବ। ସେ ସବୁବେଳେ ବିଛଣାରେ ପଡି ରହିନ୍ତି। ତେଣୁ ସେ କୋର୍ଟରେ ହାଜର ହୋଇପାରିନଥିଲେ। ହାଜର ନହେବା ମାମଲାରେ ଦର୍ଶାଯାଇଥିବା କାରଣ ଆଇନରେ ଗ୍ରହଣୀୟ ନୁହେଁ ବୋଲି କୋର୍ଟ କହିଛନ୍ତି। ତେବେ କୋର୍ଟ ମହିଳାଙ୍କୁ ଜାମିନ୍ ପ୍ରଦାନ କରିଛନ୍ତି।
