ପାଟଣା : ନୀତୀଶ କୁମାରଙ୍କ ସରକାର ସୋମବାର ଆସ୍ଥା ଜିତିଛି । ବିହାର ବିଧାନସଭାରେ ହୋଇଥିବା ମତଦାନରେ ନୀତୀଶ କୁମାରଙ୍କ ସରକାର ବହୁମତ ସାବ୍ୟସ୍ତ କରିଛନ୍ତି । ସରକାରଙ୍କୁ ବିଶ୍ବାସ ମତ ପ୍ରସ୍ତାବ ପକ୍ଷରେ ୧୨୯ ସଦସ୍ୟଙ୍କ ସମର୍ଥନ ହାସଲ ହୋଇଛି । ତେବେ ବିରୋଧରେ ଗୋଟିଏ ବି ଭୋଟ୍ ପଡିନି । ସରକାରଙ୍କ ବିଶ୍ବାସ ମତ ହାସଲ କରିବାର ପ୍ରକ୍ରିୟା ପୁରା ହେବା ପରେ ସଦନ ନୂଆ ଅଧ୍ୟକ୍ଷଙ୍କୁ ଚୟନ କରିବ ।
ଫ୍ଲୋର ଟେଷ୍ଟ ପୂର୍ବରୁ ବିହାର ବିଧାନସଭା ଆରଜେଡିର ନେତା ଅବଧ ବିହାରୀ ଚୌଧୁରୀଙ୍କୁ ସଦନର ଅଧ୍ୟକ୍ଷ ପଦରୁ ହଟାଇବା ପ୍ରସ୍ତାବକୁ ସୋମବାର ପାରିତ କରିଛି । ଏହା ପରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବିଜେପି ସହିତ ମିଶି ପ୍ରସ୍ତୁତ ନିଜ ନୂଆ ସରକାର ପାଇଁ ବିଶ୍ବାସ ମତ ହାସଲ କରିବା ପାଇଁ ସୋମବାର ବିଧାନସଭାରେ ପ୍ରସ୍ତାବ ଆଗତ କରିଥିଲେ ।
ମୁଖ୍ୟମନ୍ତ୍ରୀ ନୀତୀଶ କୁମାର ୧୫ ଦିନ ପୂର୍ବରୁ ମହାମେଣ୍ଟରୁ ଅଲଗା ହୋଇ ବିଜେପି ସହିତ ମିଶିଥିଲେ । ପୂର୍ବ ମହାମେଣ୍ଟ ସରକାରର ଅଂଶ ରହିଥିବା ଆରଜେଡି ନେତା ଚୌଧୁରୀ ନିଜ ପାର୍ଟିର କ୍ଷମତାରୁ ବାହାରିଯିବା ପରେ ନିଜ ପଦ ଛାଡିବା ପାଇଁ ମନା କରିଦେଇଥିଲେ । ଏନଡିଏ ତରଫରୁ ଅଧ୍ୟକ୍ଷଙ୍କ ବିରୁଦ୍ଧରେ ଆଗତ ହୋଇଥିବା ଅବିଶ୍ବାସ ପ୍ରସ୍ତାବକୁ ୨୪୩ ସଦସ୍ୟ ବିଶିଷ୍ଟ ବିଧାନସଭାରେ ୧୨୫ ବିଧାୟକଙ୍କ ସମର୍ଥନ ମିଳିଲା । ତେବେ ୧୧୨ ସଦସ୍ୟ ଏହା ବିରୁଦ୍ଧରେ ମତଦାନ କରିଛନ୍ତି ।
Comments are closed.