ଟିଭି ଷ୍ଟୁଡିଓରେ ସିଧାପ୍ରସାରଣ ବେଳେ ବିଜେପି ଓ ସପା ନେତାଙ୍କ ମଧ୍ୟରେ ମାରପିଟ୍
ନୂଆଦିଲ୍ଲୀ .- ହୀନ୍ଦି ସମ୍ବାଦ ଚ୍ୟାନେଲ ଜି ନ୍ୟୁଜ୍ର ଏକ ଆଲୋଚନା କାର୍ଯ୍ୟକ୍ରମର ସିଧାପ୍ରସାରଣ ଚାଲିଥିବା ବେଳେ ବିଜେପି ଓ ସମାଜବାଦୀ ପାର୍ଟିର ନେତାମାନଙ୍କ ମଧ୍ୟରେ ମାରପିଟ୍ ଚାଲିଥିବା ଦେଖିବାକୁ ମିଳିଥିଲା ମାରପିଟ୍ ନ ଥମିବାରୁ ଟିଭି ଚ୍ୟାନେଲ୍ କର୍ତ୍ତୃପକ୍ଷ ପୁଲିସକୁ ଡକାଇଥିଲେ । ପୁଲିସ ଏହି ଘଟଣାପରେ ସମାଜବାଦୀପାର୍ଟିର ଅନୁରାଗ ଭଦୋରିଆଙ୍କୁ ଅଟକ ରଖିଛି । ଏହାର ଭିଡିଓ ଏବେ ସାମାଜିକ ଗଣ ମାଧ୍ୟମରେ ଭାଇରାଲ ହୋଇଛି ।
ଟିଭି ଚ୍ୟାନେଲର ‘ଏ କ୍ୟା କେହେତା ହେ ଇଣ୍ଡିଆ’ କାର୍ଯ୍ୟକ୍ରମରେ ଏକ ଆଲୋଚନା ଚାଲିଥିଲା । ଏହାପରେ ବିଜେପି ମୁଖପାତ୍ର ଗୌରବ ଭାଟିଆ ଓ ସମାଜବାଦୀ ପାର୍ଟିର ଅନୁରାଗ ଭାଦୋରିଆଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରେ ଦୁଇ ଜଣ ମୁହାଁ ମୁହିଁ ହୋଇଥିଲେ । ପରେ ସେଠାରେ ଥିବା ଲୋକମାନେ ସେମାନଙ୍କୁ ରୋକିବାକୁ ଚେଷ୍ଟା କରିଥିଲେ । ଭାଟିଆ , ଭାଦୋରିଆଙ୍କ ଆଡକୁ ମାଡିଯାଇଥିଲେ । ଭାଦୋରିଆ ତାଙ୍କୁ ଏକ ଧକ୍କା ଦେଇଥିଲେ ପରେ ଏହା ଉଗ୍ର ରୂପ ଧାରଣ କରିଥିଲା । ଭାଟିଆ ଏହାର ଭିଡିଓକୁ ସାମାଜିକ ଗଣମାଧ୍ୟମରେ ଅଂଶୀଦାର କରିଛନ୍ତି ।
यह प्रवक्ता नहीं गुंडे है।
अनुराग भदौरिया ने पूरी डिबेट में व्यग्तिगत टिप्पणी करी और अपशब्द बोले
इनके हथकंडे हैं
खूब व्यग्तिगत टिप्पणियां करो
परिवार के लिए अपशब्द बोलो
और जब कुछ न काम आए और दूसरा व्यक्ति संयम बनाये रखे तो
हाथा पायी पे उत्तर जाओ।#SPKeGunde@BJP4India pic.twitter.com/KmsDGg93M1
— Gaurav Bhatia ?? (@gauravbh) December 8, 2018
ଭାଟିଆ ଏହାପେର ନୋଏଡାର ଏକ ଥାନାରେ ମାମଲା ରୁଜୁ କରିଛନ୍ତି । ଭାଦୋରିଆଙ୍କୁ ପୁଲିସ ଅଟକ ରଖିଥିବା ଥାନାରେ ସମାଜବାଦୀ ପାର୍ଟିରେ କର୍ମକର୍ତ୍ତା ଓ ନେତା ଘେରାଓ କରିବା ସହ ବିଜେପିର ଭାଟିଆ , ଭାଦୋରିଆଙ୍କୁ ଆକ୍ରମଣ କରିଥିବା ଅଭିଯୋଗ କରିଛନ୍ତି ।