ମୁମ୍ବଇ: ବଲିଉଡ଼ର ଲୋକପ୍ରିୟ ଅଭିନେତା ସୈଫ୍ ଅଲୀ ଖାନଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଅଭିନେତାଙ୍କୁ ସୋମବାର ସକାଳେ ମୁମ୍ବଇର କୋକିଲାବେନ୍ ହସ୍ପିଟାଲରେ ଭର୍ତ୍ତି କରାଯାଇଛି। ଜାତୀୟ ଗଣମାଧ୍ୟମର ସୂଚନା ଅନୁଯାୟୀ, ସୈଫ୍ଙ୍କ ଆଣ୍ଠୁ ଏବଂ କାନ୍ଧରେ ଆଘାତ ଲାଗିଛି। କୁହାଯାଉଛି ଯେ, ତାଙ୍କ ଆଣ୍ଠୁର ଅସ୍ତ୍ରୋପଚାର କରାଯାଇଛି। ତେବେ ସୈଫ୍ କିପରି ଆହତ ହୋହେଲେ ସେନେଇ ଏପର୍ଯ୍ୟନ୍ତ କୌଣସି ସୂଚନା ମିଳିନାହିଁ। ହସ୍ପିଟାଲରେ ସୈଫ୍ଙ୍କ ସହ ତାଙ୍କ ପତ୍ନୀ ତଥା ଅଭିନେତ୍ରୀ କରୀନା କପୁର ଖାନ ମଧ୍ୟ ଡାକ୍ତରଖାନାରେ ଉପସ୍ଥିତ ଥିବା ଜଣାପଡ଼ିଛି।
ଏଠାରେ ସୂଚନାଯୋଗ୍ୟ, ଏପର୍ଯ୍ୟନ୍ତ କୋକିଲାବେନ୍ ହସ୍ପିଟାଲ ପକ୍ଷରୁ ସୈଫ୍ ଅଲୀ ଖାନଙ୍କ ଅସ୍ତ୍ରୋପଚାର ସଂପର୍କରେ କୌଣସି ବୟାନ ଦିଆଯାଇନାହିଁ। ଏଥିସହ ସୈଫ୍ ଏବଂ କରୀନା ମଧ୍ୟ ସାମାଜିକ ଗଣମାଧ୍ୟମରେ ଏନେଇ କୌଣସି ସୂଚନା ଦେଇନାହାନ୍ତି।
