ଫୁଲବାଣୀ : ଓଡିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୁଲ୍ୟରେ ତଥା ଓଡିଶା ସଙ୍ଗୀତ ଓ ନାଟକ ଏକାଡେମୀ ଓ ଜିଲା ପ୍ରଶାସନ ସହାୟତାରେ କନ୍ଧମାଳ ଜିଲାର ଅଗ୍ରଣୀ ନାଟ୍ୟ ସଂସ୍ଥା “ବନାନୀ କଳା ସଙ୍ଗମ” ତରଫରୁ ଶ୍ରୀ ଜଗନ୍ନାଥ ପରିକ୍ରମା ପ୍ରକଳ୍ପ ଉଦଘାଟନ ଅବସରରେ ଆଧ୍ୟାତ୍ମିକ ନାଟକ “ଭିନ୍ନ ଏକ ଦେବଦାସୀ” ପରିବେଷଣ କରାଯାଇଥିଲା। ଅତିରିକ୍ତ ଜିଲାପାଳ ଅଶୋକ କୁମାର ଭୋଇ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବେ ଫୁଲବାଣୀ ଆଇଟିଡିଏ ପ୍ରକଳ୍ପ ପ୍ରଶାସକ ପ୍ରବୀଣ କୁମାର ବାଣୁଆ, ଜିଲ୍ଲା ସଂସ୍କୃତି ଅଧିକାରୀ ଅକ୍ଷୟ ସେଠି , ନାଟକର ଲେଖକ ଲିଙ୍ଗରାଜ ନାହାକ, ବନାନୀର ସଭାପତି ଡ. ଅରୂପ ଜେନା, ସାଧାରଣ ସମ୍ପାଦକ ସୁନୀଲ ପଟନାୟକ, ପରିଚାଳକ ଅଶୋକ ପରିଡା, ସହ ପରିଚାଳକ ଜୟ ସେନ୍ ପରିଡା, ସହସମ୍ପାଦକ କ୍ଷିତିଶ ମଲ୍ଲିକ ପ୍ରମୂଖ ଉପସ୍ଥିତ ଥିଲେ। ଶ୍ରୀ ଜଗନ୍ନାଥ ସଂସ୍କୃତି ଓ କଥାବସ୍ତୁ ସମ୍ବଳିତ ଏହି ନାଟକଟି ‘ବନାନୀ’ର ବିଂଶତମ ଅବଦାନ। ଏହି ନାଟକକୁ ସହରବାସୀ, ନାଟ୍ୟ ପ୍ରେମୀ, ବନ୍ଧୁବର୍ଗଙ୍କ ସହ ଉପଭୋଗ କରିଥିଲେ।
