ଖାଇବା ବାହାନାରେ ପ୍ରେମିକାକୁ ଡାକି ଛୁରୀ ଭୁସିଲା ପ୍ରେମିକ: ଆହତ ପ୍ରେମିକା ମେଡିକାଲରେ ଭର୍ତ୍ତି

ଭୁବନେଶ୍ୱର: ଦୀର୍ଘ ଦିନର ପ୍ରେମ ସମ୍ପର୍କରେ ପଡିଲା ରକ୍ତର ଛିଟା। ପ୍ରେମରେ ପ୍ରତିଶୋଧ ପରାୟଣ ହୋଇ ଶେଷରେ ପ୍ରେମିକ ଜଣଙ୍କ ପ୍ରେମିକାଙ୍କୁ ମଝି ରାସ୍ତାରେ ଛୁରୀ ଭୁସିଲା । ଖାଇବା ବାହାନାରେ ପ୍ରେମିକାଙ୍କୁ ଡାକି ନେଇ ୧୦ରୁ ଅଧିକ ଥର ଛୁରୀ ଭୁଷିଥିବା ସୂଚନା ମିଳିଛି। ଗୁରୁତର ଅବସ୍ଥାରେ ପ୍ରେମିକାଙ୍କୁ ଭୁବନେଶ୍ୱର ଏମ୍ସରେ ଭର୍ତ୍ତି କରାଯାଇଛି। ବୁଧବାର ଏଭଳି ବିଭତ୍ସ ଘଟଣା ଘଟିଛଇ ରାଜଧାନୀ ଉପକଣ୍ଠ ବରୁଣେଇ ଶିଳ୍ପାଞ୍ଚଳରେ।
ସୂଚନା ଅନୁସାରେ ଯାଜପୁର ଅଂଚଳର ଯୁବତୀ ଜଣଙ୍କ ଭୁବନେଶ୍ୱର ଯାଆଁଳାରେ ଥିବା ଏକ ଗାଡି ଶୋ ରୁମରେ ଚାକିରୀ କରୁଥିଲେ। ସେଠାରେ ଚାକିରୀ କରୁଥିବା ବେଳେ ଜଟଣୀ ବାଛେରା ଅଂଚଳର ଏସ୍‌‌.କେ କୁତୁବୁଦ୍ଦିନଙ୍କ ସହିତ ତାଙ୍କ ପ୍ରେମ ସମ୍ପର୍କ ଗଢି ଉଠିଥିଲା। କୌଣସି କାରଣରୁ ଦୀର୍ଘ ଦିନର ପ୍ରେମ ସମ୍ପର୍କରେ ଫାଟ ସୃଷ୍ଟି ହୋଇଥିଲା। ଯେଉଁଥିପାଇଁ ପ୍ରେମିକ ଜଣଙ୍କ ଆଜି ଏଭଳି କାଣ୍ଡ ଘଟାଇଛନ୍ତି।