ଫୁଲବାଣୀ :କନ୍ଧମାଳ ଜିଲ୍ଲା ସଦର ଥାନା ଅଞ୍ଚଳରେ ଅଭାବନୀୟ ଘଟଣା ଘଟିଛି। ମଜୁରିବିଡା ମୁଖ୍ୟ ରାସ୍ତା କଡରେ ଥିବା ଏକ ଘରୋଇ କିରାଣୀ ଦୋକାନରୁ ଲୁଟ୍ ହୋଇଛି। ଦୁର୍ବୁତ୍ତ ମାନେ ଦୋକାନର ଲୁହା ଗ୍ରୀଲ ଭାଙ୍ଗି ଘରେ ଶୋଇଥିବା ଲୋକଙ୍କୁ ନିଶା ସ୍ପ୍ରେ ଦେଇ ଆଲମିରାରୁ ସୁନା ଅଳଙ୍କାର ଏବଂ ଟଙ୍କା ଲୁଟି ନେଇଛନ୍ତି। ଏପରିକି ଦୋକାନରେ ଲାଗିଥିବା ସିସି କ୍ୟାମେରା, ହାର୍ଡ ଡିସ୍କ ଏବଂ ମୂଲ୍ୟବାନ ସମାଗ୍ରୀ ଚୋରି କରିନେଇଥିବା ସଦର ଥାନାରେ ଲିଖିତ ଅଭିଯୋଗ କରିଛନ୍ତି ଦୋକାନ ମାଲିକ। ଚୋରି ସାମଗ୍ରୀର ମୂଲ୍ୟ ପ୍ରାୟ ୨୦ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ପରିବାର ପକ୍ଷରୁ କୁହାଯାଇଛି। ପୁଲିସ ଏକ ମାମଲା ରୁଜ୍ଜୁ କରି ତଦନ୍ତ ଚଳାଇଛି।
Comments are closed.