ସେନ୍ସେକ୍ସ ଖସିଲା ୯୩୧ ପଏଣ୍ଟ
ନୂଆଦିଲ୍ଲୀ/ମୁମ୍ବଇ : ବୁଧବାର ବମ୍ବେ ଷ୍ଟକ ଏକ୍ସଚେଞ୍ଜର ସେନ୍ସେକ୍ସ ୯୩୧ ପଏଣ୍ଟ ହ୍ରାସପାଇଛି। ଏହାଦ୍ବାରା ନିବେଶକମାନେ ୯.୧ ଲକ୍ଷ କୋଟି ଟଙ୍କା ହରାଇଛନ୍ତି। ବିଗତ କିଛିଦିନ ଧରି ଭାରତୀୟ ଷ୍ଟକ ବଜାରରେ କାରବାର ନୂତନ ଶିଖର ଛୁଇଁଥିବାବେଳେ ବୁଧବାର କାରବାର ସମୟର କିଛିଘଣ୍ଟା ମଧ୍ୟରେ ଏଥିରେ ହ୍ରାସ ଘଟିଥିଲା। ବିଏସ୍ଇ ୩୦ ସେନ୍ସେକ୍ସ ୯୩୦.୮୮ ପଏଣ୍ଟ ହ୍ରାସପାଇ ୭୦,୫୦୬.୩୧ ପଏଣ୍ଟରେବନ୍ଦ ହୋଇଥିଲା। ଏହାଦ୍ବାରା ନିବେଶକମାନେ ବିପୁଳ କ୍ଷତିର ସମ୍ମୁଖୀନ ହୋଇଥିବା ଜଣାଯାଇଛି। ଅନୁରୂପ ଭାବରେ ନିଫ୍ଟି ୫୦ ମଧ୍ୟ ୩୦୨.୯୫ ପଏଣ୍ଟ ହ୍ରାସପାଇ ୨୧,୧୫୦.୧୫ ପଏଣ୍ଟରେ ପହଞ୍ଚିଥିଲା। ବୁଧବାର ପ୍ରାୟ ୨୮ଟି ଷ୍ଟକ ମୂଲ୍ୟ ୫୨ ସପ୍ତାହ ମଧ୍ୟରେ ସର୍ବନିମ୍ନ ସ୍ତରକୁ ଖସିଆସିଥିବା ଜଣାଯାଇଛି। ପ୍ରାୟ ସମସ୍ତ କ୍ଷେତ୍ରର ଷ୍ଟକ ମୂଲ୍ୟରେ ବୁଧବାର ହ୍ରାସ ଦେଖିବାକୁ ମିଳିଥିଲା। ଯାନବାହନ, କ୍ୟାପିଟାଲ ଗୁଡ୍ସ୍, ଧାତୁ, ଫାର୍ମା, ତୈଳ ଓ ଗ୍ୟାସ୍, ଶକ୍ତି ଏବଂ ରିଅଲଟି ଆଦି କ୍ଷେତ୍ରର ଷ୍ଟକ ମୂଲ୍ୟ ୨ରୁ ୪ ପ୍ରତିଶତ ହ୍ରାସ ଘଟିଥିଲା।
