ଆଠଗଡ: ଆଠଗଡ ବ୍ଲକ ଓ ବିଞାପିତ ଅଞ୍ଚଳ ପରିଷଦ ସ୍ତରୀୟ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି। ଆଠଗଡ ବ୍ଲକ ଅନ୍ତର୍ଗତ ରାଧାକିଶୋରପୁର ପଞାୟତର ରାଧାକିଶୋରପୁର ଶକ୍ତିମୟୀ ସ୍ପୋର୍ଟସ ଖେଳ ପଡିଆଠାରେ କ୍ରିକେଟ ଓ କବାଡି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଦ୍ବାରା କ୍ରିକେଟ ଓ କବାଡି କ୍ରୀଡା ଉଦଘାଟିତ ହୋଇଥିଲା। ସେହିପରି ଆଠଗଡ ଗୋପବନ୍ଧୁ ବିଞାନ ମହାବିଦ୍ୟାଳୟରେ ଖୋ ଖୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କ୍ରିକେଟ ୩ଟି ଗ୍ରୁପରେ ୬ଟି ଟିମକୁ ନେଇ ପ୍ରତିଯୋଗିତା ହୋଇଥିଲା। ଏହି ଖେଳ ପାଇଁ ୧୪ ଟି ଦଳ ପଞିକୃତ କରିଥିଲେ। ସେହିପରି କବାଡି ଖେଳ ୬ଟି ଦଳକୁ ନେଇ ଅନୁଷ୍ଠିତ ହୋଇଥିଲା। ଘଣ୍ଟିଖାଲର ବୃନ୍ଦାବନଚନ୍ଦ୍ର କ୍ଲବ ଚମ୍ପିୟାନ ଓ ଆଠଗଡର ଜୟଶ୍ରୀରାମ କବାଡି ଟିମ ରନର୍ସ ଅପ ହୋଇଥିଲା। ଖୋ ଖୋ ପ୍ରତିଯୋଗିତାରେ ମହାବୀର ଖୋ ଖୋ କ୍ଲବ ଆଠଗଡ , ଚମ୍ପିୟାନ ଓ କନ୍ଦରପୁର ଖୋ ଖୋ ଟିମ ରନର୍ସ ଅପ ହୋଇଛି। ବ୍ଲକ ସ୍ତରୀୟ ଚମ୍ପିୟାନ ଟିମକୁ ୨୦ ହଜାର ଟଙ୍କା , ରନର୍ସ ଅପ ଟିମକୁ ୧୫ ହଜାର ଟଙ୍କା, ପ୍ରଥମ ସେମିଫାଇନାଲିଷ୍ଟକୁ ୧୦ ହଜାର, ଦ୍ବିତୀୟ ସେମିଫାଇନାଲିଷ୍ଟକୁ ୧୦ ହଜାର ଟଙ୍କା ପ୍ରଦାନ କରାଯିବ। ସେହିପରି ବ୍ଲକ ସ୍ତରୀୟ ଚମ୍ପିୟାନ ଟିମ ଜିଲ୍ଲାସ୍ତରୀୟକୁ ଉନ୍ନତି ହେବେ। ଉତ୍ସବରେ ମନ୍ତ୍ରୀଙ୍କ ପ୍ରତିନିଧି ରଞ୍ଜନ କୁମାର ଆଚାର୍ଯ୍ୟ, ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ, ଶାନ୍ତିଲତା ବେହେରା, ଏନ ଏ ସି ଅଧ୍ୟକ୍ଷା ସସ୍ମିତା ରାଉତ, ବିଡ଼ିଓ ପ୍ରଦୀପ କୁମାର ସାହୁ ଅତିଥିଭାବେ ଯୋଗଦେଇଥିଲେ । ସମସ୍ତ ବିଦ୍ୟାଳୟର କ୍ରୀଡା ଶିକ୍ଷକ ମ୍ଖେଳଗୁଡିକୁ ପରିଚାଳନା କରିଥିଲେ। ବ୍ଲକ ସାମାଜିକ ସୁରକ୍ଷା ଅଧିକାରୀ ଚପଳା ସାହୁ ଏବଂ ପ୍ରାକ୍ତନ ଗ୍ରାମ ପଂଚାୟତ ସଂପ୍ରସାରଣ ଅଧିକାରୀ ଗଗନ ବିହାରୀ ଷଡ଼ଙ୍ଗୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article