ଡେସ୍କ: ରାଉରକେଲା ସ୍ମାର୍ଟସିଟିରେ ଝାଡ଼ାବାନ୍ତିରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଗତ ୪୮ଘଣ୍ଟା ମଧ୍ୟରେ ଝାଡ଼ାବାନ୍ତରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୧୧୬ରୁ ଅଧିକ ଆକ୍ରାନ୍ତ ହୋଇ ରାଉରକେଲା ସରକାରୀ ହସ୍ପିଟାଲ (ଆରଜିଏଚ୍)ରେ ଚିକିତ୍ସିତ ହେଉଛନ୍ତି। ଗତକାଲି ରାତି ସୁଦ୍ଧା ଝାଡ଼ାବାନ୍ତିରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଆଜି ଜଣେ ବୃଦ୍ଧଙ୍କର ମୃତ୍ୟୁ ଘଟିଛି।
କେଉଁ ଜୀବାଣୁ ସଂକ୍ରମଣରୁ ଏହା ବ୍ୟାପୁଛି ତା’ର କାରଣ ସ୍ବାସ୍ଥ୍ୟ ବିଭାଗ ଖୋଜୁଛି। ଅଳ୍ପଦିନ ତଳେ ସହରରେ ହୋଇଥିବା ଅଦିନିଆ ବର୍ଷା ପରବର୍ତ୍ତୀ କାରଣ ହୋଇଥାଇପାରେ ବୋଲି ସ୍ବାସ୍ଥ୍ୟ ବିଭାଗ ଅଧିକାରୀ ଅନୁମାନ କରୁଛନ୍ତି। ପାଣିର ନମୂନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି। ହାସପାତାଳର ବିଭିନ୍ନ ୱାର୍ଡରେ ଝାଡ଼ାବାନ୍ତି ଆକ୍ରାନ୍ତ ଭର୍ତ୍ତି ହୋଇ ରହିଛନ୍ତି। ଶଯ୍ୟା ଅଭାବରୁ ବହୁ ଆକ୍ରାନ୍ତଙ୍କ ଚିକିତ୍ସା ଚଟାଣରେ ଚାଲିଥିବା ଦେଖିବାକୁ ମିଳୁଛି।
Comments are closed.