କୋଣାର୍କ : ଚଳିତ ବର୍ଷ କୋଣାର୍କ ଉତ୍ସବ ନିମନ୍ତେ ରାଜ୍ୟ ପର୍ୟ୍ୟଟନ ବିଭାଗ ପକ୍ଷରୁ ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି। ଚଳିତ ବର୍ଷ ଉଜ୍ବଳ ଆଲୋକ ସଜ୍ଜା, ଚନ୍ଦ୍ରଭାଗାର ଆନ୍ତର୍ଜାତୀୟ ଵାଲୁକା କଳା ପ୍ରଦର୍ଶନ ସାଙ୍ଗକୁ ନୃତ୍ୟାଗଂନା ମାନଙ୍କ ନୂପୁରର ତାଳେ କୋଣାର୍କ ମୁକ୍ତାକାଶ ରଙ୍ଗମଞ୍ଚ ପରିସରରେ ଏକ ଵଣ୍ନାଢ ପରିସର ସୃଷ୍ଟି ହେବା ସହ ପର୍ୟ୍ୟଟନ କ୍ଷେତ୍ର କୋଣାର୍କ ଚଳଚଞ୍ଚଳ ହୋଇଉଠିଛି । ଚଳିତ ବର୍ଷ ଆନ୍ତର୍ଜାତୀୟ ଖ୍ୟାତି ସମ୍ପନ୍ନ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ନେତୃତ୍ୱ କରିବେ। ଏହି ଆନ୍ତର୍ଜାତୀୟ ଵାଲୁକା କଳା ପ୍ରଦର୍ଶନ ପାଇଁ ଭାରତ ତଥା ଭାରତ ବାହାରୁ ଖ୍ୟାତି ସମ୍ପନ୍ନ ବାଲୁକା ଶିଳ୍ପୀ ମାନେ ନିଜ ନିଜର ପ୍ରତିଭା ପଦର୍ଶନ କରିବେ। ସେହିପରି ବସନ୍ତ ମଞ୍ଜରୀ ପାଠାଗାର ପକ୍ଷରୁ ଵିଶାଳ ଗଣଦୌଡ, କୋଣାର୍କ ସାହିତ୍ୟ ସଂସଦ ପକ୍ଷରୁ ସାହିତ୍ୟ ଆସର, କୋଣାର୍କ ସାମ୍ବାଦିକ ସଂଘ ପକ୍ଷରୁ ଆନ୍ତର୍ଜାତୀୟ ସ୍ଵେଚ୍ଛାସେବୀ ବର୍ଷ ପାଳନ, ପ୍ରେସ କ୍ଲବ୍ ପକ୍ଷରୁ ସାଇକେଲ ପ୍ରତିଯୋଗିତା ଵିଶେଷ କରି ଚଳିତ ବର୍ଷର କୋଣାର୍କ ଉତ୍ସବ କୁ ଅଧିକ ସରସ ସୁନ୍ଦର କରିବା ଦିଗରେ ବିଶେଷ ସହାୟକ ହେବ। କୋଣାର୍କ ହେଲିପ୍ୟାଡ ଠାରେ ତିନି ଗୋଟି ଅପେରା ପାର୍ଟି ଦ୍ଵାରା ଯାତ୍ରା ପରିବେଷଣ ସାଂଗକୁ ମୀନାବଜାର ପର୍ୟ୍ୟଟକ ମାନଙ୍କୁ ଖୁସି ପ୍ରଦାନ କରିବା ନେଇ ଆଶା କରାଯାଉଛି।
କୋଣାର୍କ ଉତ୍ସବ ନିମନ୍ତେ ପୁରୀ ଜିଲ୍ଲାପାଳ ଜ୍ୟୋତି ପ୍ରକାଶ ଦାଶ ପ୍ରତ୍ୟକ୍ଷ ତତ୍ଵାବଧାନରେ ପ୍ରସ୍ତୁତି ପର୍ବକୁ ତଦାରଖ କରିବା ସହ ଚଳିତ ବର୍ଷ କୋଣାର୍କ ଉତ୍ସବକୁ ଶାନ୍ତି ଶୃଙ୍ଖଳାର ସହ ସଂପନ୍ନ କରାଯିବା ସହ ସଫଳ ରୂପାୟନ ନିମନ୍ତେ ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଉଛି ବୋଲି ପ୍ରକାଶ କରିଛନ୍ତି।
ଶେଷ ପର୍ୟ୍ୟାୟରେ କୋଣାର୍କ ଉତ୍ସବ ପ୍ରସ୍ତୁତି
Popular Categories
Previous article
Next article