ଡେସ୍କ: କଟକ ନରାଜ ଅଂଚଳରେ ଘଟିଛି ଦୁଖଦଃ ଘଟଣା। ନିଜ ୧୧ ବର୍ଷର ପୁଅକୁ ନଦୀରେ ବୁଡି ଯାଉଥିବା ବେଳେ ଉଦ୍ଧାର କରି ବଞ୍ଚାଇ ଦେଲେ ବାପା ହେଲେ ନିଜକୁ ରକ୍ଷା କରିପାରିଲେନି ଜଳସ୍ରୋତରୁ। ଦୀପାବଳିରେ ସବୁଆଡେ ଖୁସିର ପରିବେଶ ଥିବା ବେଳେ ପୁଅ ସାମ୍ନାରେ ଚାଲିଗଲା ବାପାଙ୍କ ଜୀବନ।
ନରାଜ ତେଲିସାହି ଅଂଚଳର ସରୋଜ ସାହୁ ନିଜ ୧୧ ବର୍ଷର ସାନ ପୁଅକୁ ନେଇ କାଠଯୋଡ଼ିର କୈବର୍ତ୍ତସାହି ଘଟକୁ ଗାଧୋଇବାକୁ ଯାଇଥିଲେ। ଏକାଠି ଗାଧୋଉଥିବା ବେଳେ ନଦୀର ଚୋରା ବାଲିରେ ପୁଅର ଗୋଡ ଖସି ଯାଇଥିଲା। ପୁଅ ଧୀରେ ଧୀରେ ତଳକୁ ଖସିବାରେ ଲାଗିଥିଲା। ସରୋଜ ସଂଗେ ସଂଗେ ପୁଅର ହାତ ଧରି ଉପର ଆଡକୁ ଠେଲି ଦେଇଥିଲେ ଓ ସେଠାରେ ଗାଧୋଉଥିବା ଅନ୍ୟ ମହିଳା ମାନେ ଲୁଗା ପକାଇବାରୁ ପୁଅ ତାହା ଧରି ଉପରକୁ ପଳାଇ ଆସିଥିଲେ। କିନ୍ତୁ ବାପା ସରୋଜ ଚୋରା ବାଲିରେ ଫସି ଯାଇଥିଲେ ଓ ଆଉ ଉଠିପାରିନଥିଲେ। ତାଙ୍କୁ ସେଠାରେ ମାଛ ଧରୁଥିବା ଧୀବର ମାନେ ଡଙ୍ଗା ସାହାଯ୍ୟରେ ଉଦ୍ଧାର କରି ଗୁରୁତର ଅବସ୍ଥାରେ ମେଡିକାଲ ଆଣିଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
