ଶ୍ରୀନଗର : ଜାମ୍ମୁ-କାଶ୍ମୀର ବିଧାନସଭା ଭଙ୍ଗ ସମ୍ପର୍କରେ ସତ ଓଗାଳି ଅଡ଼ୁଆରେ ପଡ଼ିଥିବା ରାଜ୍ୟପାଳ ସତ୍ୟ ପାଲ ମଲିକଙ୍କ ଅନ୍ୟ ରାଜ୍ୟକୁ ବଦଳି ହେବାର ଆଶଙ୍କା ସୃଷ୍ଟିହୋଇଛି। ସେ ନିଜେ ହିଁ ଏଭଳି ଆଶଙ୍କା ପ୍ରକାଶ କରିଛନ୍ତି। ଗଣମାଧ୍ୟମ ସହିତ ଆଲୋଚନା ସମୟରେ ମଲିକ କହିଛନ୍ତି ଯେ କେନ୍ଦ୍ର ସରକାରଙ୍କୁ ଅଡ଼ୁଆରେ ପକାଇବା ଭଳି ମନ୍ତବ୍ୟ ଦେବା ପାଇଁ ତାଙ୍କର ରାଜ୍ୟପାଳ ପଦ ହରାଇବାର ଆଶଙ୍କା ନାହିଁ; ତେବେ ବଦଳି ହେବାର ସମ୍ଭାବନା ରହିଛି। ‘ମୁଁ ପଦ ହରାଇବି ନାହିଁ; କିନ୍ତୁ ବଦଳି ହୋଇପାରେ। ଯେ ପର୍ଯ୍ୟନ୍ତ ସରକାର ମୋତେ ଏଠାରେ ରଖିଛନ୍ତି ରହିବି। ମୋର କେତେବେଳେ ବଦଳି ହେବ ତାହା ମଧ୍ୟ ମୁଁ ଜାଣି ନାହିଁ। ଏହା ମୋ ହାତରେ ନାହିଁ। ଏଠାରେ ଥିବାଯାଏ ମୁଁ ଲୋକଙ୍କ ପାଇଁ ଯାହା କର୍ତ୍ତବ୍ୟ କରିବି’ ବୋଲି ମଲିକ କହିଛନ୍ତି। ପୁନଶ୍ଚ ‘କେନ୍ଦ୍ର ସରକାର ସାଜଦ ଲୋନ୍ଙ୍କୁ ମୁଖ୍ୟମନ୍ତ୍ରୀ ଆସନରେ ବସାଇବା ଚାହୁଁଥିଲେ ବୋଲି ମୋର ଯେଉଁ ମନ୍ତବ୍ୟ ପ୍ରକାଶ ପାଇଛି ତାହା ଠିକ୍ ନୁହେଁ। ଏହା ଅପ୍ରାସଙ୍ଗିକ ଓ ଅତିରଞ୍ଜିତ ହୋଇ ପ୍ରକାଶ ପାଇଛି। ସମ୍ପୂର୍ଣ୍ଣ ଘଟଣାରେ କେନ୍ଦ୍ର ସରକାରଙ୍କର କୌଣସି ଭୂମିକା ନ ଥିଲା କିମ୍ବା କେନ୍ଦ୍ର ଆଦୌ ହସ୍ତକ୍ଷେପ କରି ନଥିଲା’ ବୋଲି ମଲିକ କହିଛନ୍ତି।
Popular Categories
Previous article
Next article