କଲମପୁର: କଲମପୁର ବ୍ଲକ ଅଧିନସ୍ତ ମୀନଗୁର ଗ୍ରାମ ଠାରେ ଅଘଟଣ। ମହୁ ମାଛିଙ୍କ ଆକ୍ରମଣର ଆତଙ୍କ ଯୋଗୁଁ ସାଧାରମରେ ଆଲୋଡନ ସୃଷ୍ଟି କରିଛି। ଏହି ମହୁ ମାଛିଙ୍କ ଆକ୍ରମଣରୁ ବର୍ତ୍ତିବା ପାଇଁ ଶନିବାର ବିଦ୍ୟାଳୟକୁ ଛୁଟି କରି ଦିଆଯାଇଥିବା ବେଲେ ମୀନଗୁର ପଞ୍ଚାୟତରୁ ଖାଦ୍ୟ ସୁରକ୍ଷା ଯୋଜନାର ହିତାଧିକାରୀଙ୍କ ଚାଉଳ ଯୋଗାଣକୁ ବାତିଲ କରାଯାଇଛି।
ସୂଚନା ଅନୁସାରେ ମୀନଗୁର ସରକାରୀ ପ୍ରାଥମିକ ବିଦ୍ୟାଳୟକୁ ଲାଗି ରହିଛି ଏକ ବିରାଟକାୟ ପିପଳ ଗଛ। ଯେଉଁଥିରେ ୨୦ରୁ ଅଧିକ ମହୁ ଫଣା ରହିଛି। ଶୁକ୍ରବାର ଅପରାହ୍ଣରେ କୌଣସି କାରଣରୁ କିଛି ମହୁ ମାଛି ଉଡିବୁଲି ଲୋକଙ୍କୁ କାମୁଡିଥିଲେ। ଏପରିକି ବିଦ୍ୟାଳୟର ଅହମ୍ମଦ ମହମ୍ମଦ ନାମକ ଜନୈକ ସହକାରୀ ଶିକ୍ଷକ ମଧ୍ୟ ମହୁ ମାଛି କାମୁଡାର ଶିକାର ହେଇ ଗୁରୁତର ହେଇଛନ୍ତି। ଏହାସହ ବିଦ୍ୟାଳୟକୁ ଲାଗି ରହିଥିବା ପଂ·ୟତ କାର୍ଯ୍ୟାଳୟକୁ ଆସିଥିବା କିଛି ବ୍ୟକ୍ତି ବିଶେଷ ମଧ୍ୟ ମହୁମାଛି କାମୁଡାର ଶିକାର ହେଇଥିଲେ। ତୁରନ୍ତ ବିଦ୍ୟାଳୟର କୋମଳମତି ଛାତ୍ର ଛାତ୍ରୀଙ୍କ ସୁରକ୍ଷା ଦୃଷ୍ଟିରୁ ସାବଧାନତା ସହକାରେ ବାହାରକୁ ବାହାର କରାଯାଇ ବିଦ୍ୟାଳୟକୁ ଛୁଟି କରାଯାଇଥିଲା। ପୁଣି ଶନିବାର ସକାଳୁଆ ସ୍କୁଲ। ଛାତ୍ରଛାତ୍ରୀମାନେ ବିଦ୍ୟାଲୟରେ ପହଂଚିବା ବେଳକୁ ମହୁ ମାଛି ତାର ରାଜୁତି ଆରମ୍ଭ କରିଦେଇଥିଲା। ଧନପୁର ମୀନଗୁର ରାସ୍ତାରେ ଯାତାୟତ କରୁଥିବା ଟଙ୍କଧର ସାହୁ ନାମକ ଜନୈକ ପଥ·ରୀ ସମେତ ଅନେକ ପଥଚାରୀ ମହୁ ମାଛି କାମୁଡାର ଶିକାର ହେଇଥିଲେ। ଏଭଳି ପରିସ୍ଥିତିରେ ବିଦ୍ୟାଳୟ ଖୋଲିବା ବିପଦ ଜନକ ମନେକରି ପ୍ରଧାନ ଶିକ୍ଷକ ଯୋଗେନ୍ଦ୍ର କୁମାର ଭୋଇ ଗୋଷ୍ଠୀ ଶିକ୍ଷା ଅଧିକାରୀଙ୍କ ସହ ଘଟଣା ସମ୍ବନ୍ଧରେ ଆଲୋଚନା କରି ଛାତ୍ର ଛାତ୍ରୀଙ୍କ ସୁରକ୍ଷା ଦୃଷ୍ଟିରୁ ବିଦ୍ୟାଳୟକୁ ଛୁଟି କରି ଦେଇଥିଲେ। ସେହିଭଳି ଶନିବାର ମୀନଗୁର ପଂ·ୟତ ପକ୍ଷରୁ ଭେଲାଗାଁର ଖାଦ୍ୟ ସୁରକ୍ଷା ଯୋଜନାର ହିତାଧିକାରୀଙ୍କୁ ·ଉଳ ଯୋଗାଇବାର କାର୍ଯ୍ୟକ୍ରମ ଥିଲା। କିନ୍ତୁ ମହୁମାଛିର ଆତଙ୍କ ଯୋଗୁଁ ଏହି କାର୍ଯ୍ୟକ୍ରମକୁ ବାତିଲ କରାଯାଇଛି।
ଅନ୍ୟପଟେ ଗୋଟିଏ ବିଦ୍ୟାଳୟ ପରିସରରେ ବିରାଟକାୟ ପିପିଳ ଗଛରେ ୨୦ରୁ ଅଧିକ ମହୁ ଫଣା ରହିବା ସାଧାରଣ ପଥଚାରୀ , କୋମଳମତି ଶିଶୁ ଏବଂ ପଞ୍ଚାୟତକୁ ଆସୁଥିବା ଲୋକଙ୍କ ପ୍ରତି ବିପଦ ସାଜିଛି। ତେଣୁ ତୁରନ୍ତ ଏଥିପ୍ରତି ଗୁରୁତ୍ୱ ଦିଆଯାଇ ବନ ବିଭାଗ ପକ୍ଷରୁ ପଦକ୍ଷେପ ନେବା ପାଇଁ ସାଧାରମରେ ଦାବି ହେଉଛି।
Comments are closed.