ଲାଞ୍ଜିଗଡ଼ : କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଶିକ୍ଷା ବିଭାଗ ପକ୍ଷରୁ ଲାଞ୍ଜିଗଡ଼ ନୋଡ଼ାଲ ଉଚ୍ଚ ପ୍ରାଥମିକ ବିଦ୍ୟାଳୟରେ କ୍ଲଷ୍ଟରସ୍ତରୀୟ ଶିଶୁ ମହୋତ୍ସବ ସୁରଭି-୨୦୨୩ ଅନୁଷ୍ଠିତ ହୋଇଯାଇଛି। ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଲାଞ୍ଜିଗଡ଼ ସରପଞ୍ଚ ସରସ୍ବତୀ ମୁଣ୍ଡା ଯୋଗ ଦେଇଥିବାବେଳେ ମୁଖ୍ୟବକ୍ତା ଭାବେ ପେଙ୍ଗସୁର ସିଆରସିସି ଗୁରୁଗୋବିନ୍ଦ ମହାନ୍ତି ଯୋଗ ଦେଇଥିଲେ। ଶିକ୍ଷକ ମନୋଜ କୁମାର ମହାଖୁଡ଼ଙ୍କ ସଭାପତିତ୍ବରେ ଅନୁଷ୍ଠିତ ସମାରୋହରେ ଛାତ୍ରଛାତ୍ରୀମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଦ୍ରୋଣ ରଣା ଯୋଗ ଦେଇଥିବାବେଳେ ମୁଖ୍ୟବକ୍ତା ଭାବେ ଶିକ୍ଷାବିତ୍ ଗୋପବନ୍ଧୁ ପୃଷ୍ଟି ଯୋଗ ଦେଇଥିଲେ । ଲାଞ୍ଜିଗଡ଼ ସିଆରସିସି ଏମ୍.ଏସ୍. ଶେଖରଙ୍କ ତତ୍ତ୍ବାବଧାନରେ ଅନୁଷ୍ଠିତ ଉଭୟ ସମାରୋହ ଶେଷରେ କ୍ରୁତୀ ଛାତ୍ରଛାତ୍ରୀମାନଙ୍କୁ ଅତିଥିମାନଙ୍କ ଦ୍ବାରା ପୁରସ୍କୃତ କରାଯାଇଥିଲା। ଏଇ ଅବସରରେ ଶିକ୍ଷୟିତ୍ରୀ ହେମାମାଳିନୀ ସାହୁ, ମମତା ମାଝୀ, ଶିକ୍ଷକ ଦୁର୍ଗାମାଧବ ମହାଖୁଡ଼, ଡମ୍ବରୁଧର ସାହୁ, ନଳିନୀ ମୁଣ୍ଡଛିନା, ସୁଶାନ୍ତ ମଲ୍ଲିକ, ବିନୋଦ ବାତ୍ରା, ଅବିନାଶ ସିଂହ, ସୁଜାତା ଦାସ, ମୋନାଲିସା ମହାପାତ୍ର, ସୀତା ରାଉତ, ପରମାନନ୍ଦ ଗଉଡ଼, ସୁରେଶ ଦାସ, ଜଳନ୍ଧର ମାଝୀ, ପ୍ରହଲ୍ଲାଦ ସେଠୀ, ସୁନୀଲ ମଲ୍ଲିକ, ଦୀପ୍ତିମାୟା ବାଗୁଡାଇ, ଜ୍ୟୋତିର୍ମୟୀ ମଲ୍ଲିକ, କୁମୁଦ ପୁଟେଲ ପ୍ରମୁଖ ସହଯୋଗ କରିଥିବାବେଳେ ଶିକ୍ଷକ ଲଳିତ ମୋହନ ଭୋଇ ସଭା ପରିଚାଳନା କରିଥିଲେ। ଏଥିରେ ଲାଞ୍ଜିଗଡ଼ କ୍ଲଷ୍ଟର ଅନ୍ତର୍ଗତ ଗୋଟିଏ ଉଚ୍ଚ ମାଧ୍ୟମିକ ବିଦ୍ୟାଳୟ, ଦୁଇଗୋଟି ମାଧ୍ୟମିକ ବିଦ୍ୟାଳୟ, ୩ଟି ଉଚ୍ଚ ପ୍ରାଥମିକ ଓ ୧୨ଟି ପ୍ରାଥମିକ ବିଦ୍ୟାଳୟର ବହୁସଂଖ୍ୟକ ଛାତ୍ରଛାତ୍ରୀ ଉପସ୍ଥିତ ଥିଲେ।
Comments are closed.