ମୁମ୍ବଇ: ବଲିଉଡ଼ ଅଭିନେତା ରଣବୀର କପୁରଙ୍କୁ ସମନ କରିଛି ପ୍ରବର୍ତ୍ତନ ନିର୍ଦେଶାଳୟ(ଇଡି)। ପଚରାଉଚରା ପାଇଁ ଅକ୍ଟୋବର ୬ରେ ହାଜର ହେବାକୁ ଅଭିନେତାଙ୍କୁ ବୁଧବାର ଇଡି ସମନ କରିଛି। ‘ମହାଦେବ ବୁକ୍’ ଅନ୍ଲାଇନ୍ ବେଟିଂ ଆପ୍ ମାମଲାରେ ପଚରାଉଚରା ପାଇଁ ଇଡି ରଣବୀରଙ୍କୁ ଡାକିଥିବା ଜଣାପଡ଼ିଛି।
ସୂଚନା ଅନୁସାରେ, ‘ମହାଦେବ ବୁକ୍’ ଅନଲାଇନ ଆପ୍ ସହ ଜଡ଼ିତ ବେଆଇନ ଅର୍ଥ କାରବାର ବିରୋଧରେ ଇଡି କଲକତା, ଭୋପାଳ, ମୁମ୍ବଇ ସମେତ ୩୯ ସହରରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଇଡି ଯାଞ୍ଚରୁ ଏହା ମଧ୍ୟ ଜଣାପଡିଛି ଯେ, ଶେୟାର ବଜାରରେ ବେଟିଂ ଟଙ୍କା ବ୍ୟବହାର କରାଯାଇଥିଲା। କେବଳ ଏତିକି ନୁହେଁ, ୧୪ ଜଣ ସିନେ ତାରକାଙ୍କ ନାମ ମଧ୍ୟ ଏହି ମାମଲା ସହିତ ଜଡିତ ଥିବା ଜଣାପଡ଼ିଛି। ରଣବୀରଙ୍କ ବିରୋଧର ଅଭିଯୋଗ ହୋଇଛି ଯେ, ଜଣେ ପ୍ରମୋଟରଙ୍କ ବିବାହରେ ପ୍ରଦର୍ଶନ କରିବା ପାଇଁ ତାଙ୍କୁ ଆପ୍ର ପ୍ରମୋଟରଙ୍କଠାରୁ ଟଙ୍କା ମିଳିଥିଲା।
Comments are closed.