କଲମପୁର:ଜବରଦଖଲ ଯୋଗୁଁ ଗାଁ ଗଳି ରାସ୍ତା ଏବେ ସଂକିର୍ଣ୍ଣ ହୋଇଯାଇଛି। ଫଳର ଲୋକେ ରାସ୍ତା ଦେଇ ଯାତାୟତ କରିବାରେ ଅସୁବିଧାର ସମ୍ମୁଖିନ ହେଉଛନ୍ତି। ଯାନବାହାନ ଗାଁ ଭିତରକୁ ଯିବାରେ ସମସ୍ୟା ସୃଷ୍ଟି ହେଉଛି।କୌଣସି ଆପାତକାଳୀନ ସମୟରେ ଅସୁବିଧାର ସମ୍ମୁଖିନ ହେଉଛନ୍ତି ଗ୍ରାମବାସୀ। ତେଣୁ ତୁରନ୍ତ ଜବରଦଖଲରେ ଥିବା ରାସ୍ତକୁ ଜବରଦଖଲ ମୁକ୍ତ କରିବା ପାଇଁ ଶନିବାର କଲମପୁର ତହସିଲଦାରଙ୍କ ଦ୍ୱାରସ୍ଥ ହେଇଛନ୍ତି ତେନ୍ତୁଳିଖୁଣ୍ଟି ଗୌନ୍ତିଆପଡା ବାସିନ୍ଦା।
ସୂଚନା ଅନୁସାରେ କଲମପୁର ମୁଖିଗୁଡା ମୁଖ୍ୟ ରାସ୍ତାରୁ ତେନ୍ତୁଳିଖୁଣ୍ଟି ଗୌନ୍ତିଆପଡା ପାଇଁ ରହିଥିବା ଗଳି ରାସ୍ତା କିଛି ଜବରଦଖଲକାରୀଙ୍କ କବଜାରେ ରହିଛି। ଫଳରେ ରାସ୍ତାଟି ଏେବ ସଙ୍କିର୍ଣ୍ଣ ହୋଇଯିବା ସହ ସମସ୍ତ ମଇଳା ପାଣି ଓ ଆବର୍ଜନା ଜମି ରହୁଛି। ସେଥିପାଇଁ ଏହି ରାସ୍ତା ଦେଇ ଯାତାୟତ ପାଇଁ ସାଧାରଣ ଜନତା ଅସୁବିଧାର ସମ୍ମୁଖିନ ହେଉଛନ୍ତି। ଏହାସହ କୌଣସି ଆପତକାଳୀନ ସମୟରେ ଯାନ ବାହାନ ଯାତାୟତ ନିମନ୍ତେ ସମସ୍ୟା ସୃଷ୍ଟି ହେଉଛି ଏବଂ ଏହି ପଡାର ୩୦ ପରିବାର ଅସୁବିଧାର ସମ୍ମୁଖିନ ହେଉଛନ୍ତି। ଏହି ରାସ୍ତା ଉପରେ ଜବର ଦଖଲ କରିଥିବା ବ୍ୟକ୍ତିଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ସହ ଜବର ଦଖଲମୁକ୍ତ ପାଇଁ ସତ୍ୟଭାମା ପଟେଲ, ତନୟା ପଟେଲ, ପୂର୍ଣ୍ଣମୀ ପଟେଲ, ଡାଳିମ୍ବ ପଟେଲ, ସଂଚିତା ପଟେଲ, ସରିତା ପଟେଲ, ଲିପି ପଟେଲ ପ୍ରମୁଖ ମହିଳାଙ୍କ ସମେତ ଚିଦାନନ୍ଦ ପଟେଲ, ହରେକୃଷ୍ଣ ପଟେଲ, ରୁଦ୍ରପ୍ରସାଦ ପଟେଲ, ଗୁପ୍ତେଶ୍ୱର ପଟେଲ ହିରାଧର ପଟେଲ ବୈଷ୍ଣବ ପଟେଲ ଗୋପାଲ ପଟେଲ, ଅଜୟ ପଟେଲ ପ୍ରମୁଖ ଗ୍ରାମବାସୀ ତହସିଲଦାର ରୁଦ୍ରମୋହନ ନାୟକଙ୍କୁ ସାକ୍ଷାତ କରିବା ସହ ତୁରନ୍ତ ରାସ୍ତାକୁ ଜବରଦଖଲମୁକ୍ତ ପାଇଁ ଅନୁରୋଧ କରିଥିଲେ। ତହସିଲଦାର ଶ୍ରୀ ନାୟକ ତୁରନ୍ତ ଏଥିପ୍ରତି ପଦକ୍ଷେପ ନିଆଯାଇ ଆସନ୍ତା ୫ ତାରିଖ ଦିନ ସ୍ଥାନୀୟ ପୁଲିସ ଏବଂ ସମସ୍ତ ଗ୍ରାମବାସୀଙ୍କ ଉପସ୍ଥିତିରେ ରାଜସ୍ୱ ବିଭାଗ ପକ୍ଷରୁ ରାଜସ୍ୱ ପରିଦର୍ଶକ ଏବଂ ରାଜସ୍ୱ ନିରୀକ୍ଷକ ମାଧ୍ୟମରେ ଉକ୍ତ ରାସ୍ତାର ଚିହ୍ନଟ ପରେ ଜବରଦଖଲମୁକ୍ତ କରାଯିବ ବୋଲି ଗ୍ରାମବାସୀଙ୍କୁ କହିଥିଲେ।
Comments are closed.